OMG 2 Box Office Collection Day 3: अक्षयच्या ओएमजी-2 ची बॉक्स ऑफिसवर जादू; तीन दिवसात केली एवढी कमाई
OMG 2 Box Office Collection Day 3: जाणून घेऊयात अक्षय कुमारच्या OMG 2 या चित्रपटाचं तीन दिवसांचे बॉक्स ऑफिस कलेक्शन...
OMG 2 Box Office Collection Day 3: गेल्या काही दिवसांपासून बॉलिवूड चित्रपटांना प्रेक्षकांची विशेष पसंती मिळत असल्याचं बघायला मिळत आहे. विविध विषयांवर आधारित असणारे चित्रपट सध्या प्रेक्षकांच्या भेटीस येत आहे. हे चित्रपट पाहण्यासाठी प्रेक्षक चित्रपटगृहात गर्दी करत असल्याचं पहायला मिळत आहे. 11 ऑगस्ट रोजी रिलीज झालेल्या सनी देओलच्या (Sunny Deol) गदर 2 (Gadar 2) या चित्रपटाने बॉक्स ऑफिसवर धुमाकूळ घातला आहे. तसेच अक्षय कुमारच्या (Akshay Kumar) OMG 2 हा चित्रपट देखील बॉक्स ऑफिसवर चांगली कमाई करत आहे. जाणून घेऊयात अक्षय कुमारच्या OMG 2 या चित्रपटाचं तीन दिवसांचे बॉक्स ऑफिस कलेक्शन...
ओएमजी-2 चे बॉक्स ऑफिस कलेक्शन
अक्षयच्या ओएमजी-2 या चित्रपटनं रिलीज झाल्यानंतर पहिल्या दिवशी म्हणजे शुक्रवारी (11 ऑगस्ट) 10 कोटींची कमाई केली. त्यानंतर शनिवारी (12 ऑगस्ट) या चित्रपटाने 15 कोटींची कमाई केली. आता रविवारी (13 ऑगस्ट) या चित्रपटाची कमाई 18 कोटींवर पोहोचली आहे. पहिल्या दोन दिवसांच्या तुलनेत रविवारी चित्रपटाच्या कलेक्शनमध्ये 15% वाढ झाली आहे.
View this post on Instagram
ओएमजी-2 या चित्रपटाची सनी देओलच्या गदर-2 या चित्रपटाबरोबर बॉक्स ऑफिसवर टक्कर झाली. हे दोन्ही चित्रपट 15 ऑगस्ट रोजी बॉक्स ऑफिसवर चांगली कमाई करतील, असा अंदाज लावला जात आहे.
'OMG 2' हा एक कॉमेडी-ड्रामा चित्रपट आहे. ज्यामध्ये अक्षय कुमार,यामी गौतम आणि पंकज त्रिपाठी या कलाकारांनी प्रमुख भूमिका साकारली आहे. या चित्रपटात पंकज त्रिपाठी यांनी कांती शरण मुद्गल यांची भूमिका साकारली आहे. सोशल मीडियावर अनेक नेटकरी या चित्रपटाचा रिव्ह्यू शेअर करुन या चित्रपटाचं कौतुक करत आहेत.
ओएमजी-2 हा चित्रपट 2012 मध्ये प्रदर्शित झालेल्या अक्षयच्या ओएमजी या चित्रपटाचा सिक्वेल आहे. ओएमजी या चित्रपटाला देखील प्रेक्षकांची पसंती मिळाली होती. आता ओएमजी-2 या चित्रपटाचं देखील अनेक जण सोशल मीडियावर कौतुक करत आहेत. काही दिवसांपूर्वी या चित्रपटाचा टीझर आणि ट्रेलर रिलीज झाला होता. या टीझर आणि ट्रेलरला देखील प्रेक्षकांची पसंती मिळाली होती.
इतर महत्त्वाच्या बातम्या:
OMG 2 New Promo: 'आग लगा दूंगा पूरे शहर को...'; ओएमजी- 2 मधील अक्षयचा व्हिडीओ व्हायरल
महत्त्वाच्या बातम्या
