Nushrratt Bharuccha : इस्त्रायलमध्ये अडकलेली नुसरत भरुचा सुखरूप भारतात परतली; म्हणाली,"मला थोडा वेळ..."

Nushrratt Bharuccha : इस्त्रायलमध्ये अडकलेली नुसरत भरुचा सुखरूप मायदेशी परतली आहे.

Nushrratt Bharuccha

Nushrratt Bharuccha : इस्त्रायल आणि पॅलेस्टाईनमध्ये (Israel-Palestine Escalation) युद्ध सुरू आहे.  या युद्धामुळे बॉलिवूड अभिनेत्री नुसरत भरुचा (Nushrratt Bharuccha) इस्त्रायलमध्ये अडकली होती. त्यामुळे तिचे चाहते चिंता व्यक्त करत होते. पण आता अभिनेत्री सुखरूप भारतात परतली आहे. मुंबई विमानतळावर ती स्पॉट झाली आहे. 

नुसरत भरुचा सुखरूप मायदेशी भारतात (Nushrratt Bharuccha back to India Israel Hamas) परतली आहे. मुंबई विमानतळावरील अभिनेत्रीचे फोटो आणि व्हिडीओ व्हायरल होत आहेत. या फोटो-व्हिडीओमध्ये अभिनेत्री घाबरलेली दिसत आहे. एआयने शेअर केलेल्या नुसरतच्या व्हिडीओमध्ये तिच्यासोबत तिचा बॉडीगार्डदेखील दिसत आहे. 

#WATCH | Actress Nushrratt Bharuccha arrives at Mumbai airport from Israel https://t.co/kLfmKomeN3 pic.twitter.com/FqyhOtj9FZ

— ANI (@ANI) October 8, 2023

मला थोडा वेळ द्या : नुसरत भरुचा

मुंबई विमानतळावर मीडियासोबत बोलताना नुसरत म्हणाली,"आता माझ्या देशात आले आहे. मला आधी घरी जायचं आहे. कृपया मला माझ्या गाडीपर्यंत जाऊद्या. मला थोडा वेळ द्या". नुसरत मायदेशी सुखरूप परतल्याने तिच्या चाहत्यांनी सुटकेचा नि:श्वास सोडला आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by F I L M Y G Y A N (@filmygyan)

नुसरत भरुचा इस्त्रायलमधील युद्धात अडकली होती. त्यानंतर तिच्यासोबत काहीही संपर्क होत नसल्याचं समोर आलं. काही वेळाने अभिनेत्रीसोबत संपर्क साधण्यात तिच्या टीमला यश आलं. आता नुसरत मायदेशी परतली असून सुखरूप आहे. हायफा आतंरराष्ट्रीय चित्रपट महोत्सवासाठी नुसरत इस्त्रायलला गेली होती. 

नुसरत भरुचाचा सिनेप्रवास... (Nushrratt Bharuccha Movies)

नुसरत भरुचा बॉलिवूडची आघाडीची अभिनेत्री आहे. अनेक सिनेमांच्या माध्यमातून तिने प्रेक्षकांच्या मनावर राज्य केलं आहे. 'प्यार का पंचनामा', 'ड्रीम गर्ल', 'जनहित में जारी', 'राम सेतू' सारख्या सिनेमांचा नुसरत भाग आहे.

नुसरतने 2006 मध्ये 'जय संतोषी माँ' या सिनेमाच्या माध्यमातून मनोरंजनसृष्टीत पदार्पण केलं. काही दिवसांपूर्वी तिचा 'अकेली' (Akeli) हा सिनेमा प्रेक्षकांच्या भेटीला आला होता. या सिनेमात युद्धात अडकलेल्या एका मुलीचा घरी परतण्यासाठीचा संघर्ष दाखवण्यात आला होता. आता सिनेमाप्रमाणे अभिनेत्रीला वैयक्तिक आयुष्यातही या गोष्टीचा सामना करावा लागला आहे.

संबंधित बातम्या