Pakistani Actress on Bollywood Actors : 'भारतीय कलाकारही आम्हाला घाबरतात', पाकिस्तानी अभिनेत्रीचं खळबळजनक वक्तव्य; तिन्ही खानवरही केले गंभीर आरोप
Pakistani Actress on Bollywood Actors : पाकिस्तानी अभिनेत्री नादिया खान हिने बॉलीवूडच्या तिन्ही खानविरोधात एक खळबळजनक वक्तव्य केलं आहे. सध्या तिचा हा व्हिडिओ सोशल मीडियावर तुफान व्हायरल होतोय.
Pakistani Actress on Bollywood Actors : पाकिस्तानची प्रसिद्ध अभिनेत्री नादिया खान (Nadiya Khan) हीचा व्हिडिओ सध्या चांगलाच चर्चेत आलाय. या अभिनेत्रीने बॉलीवूडच्या तिन्ही खानवर जोरदार निशाणा साधल्याचं पाहायला मिळालं आहे. आमिर खान (Amir Khan), सलमान खान (Salman Khan) आणि शाहरुख खान (Shah Rukh Khan) याच लोकांनी पाकिस्तानी कलाकारांना बॅन केल्याचा दावा देखील या अभिनेत्रीने केला आहे. नादियाने नुकतीच पाकिस्तानी कार्यक्रम क्या ड्रामा या कार्यक्रमाला हजेरी लावली होती.
नादियाचा हा व्हिडिओ सध्या सोशल मीडियावर तुफान व्हायरल होत असल्याचं पाहायला मिळतंय. दरम्यान त्यांना पाकिस्तानी कलाकार इनसिक्युअर वाटतात असं देखील नादियाने यावेळी म्हटलं. तिच्या या वक्तव्याची सोशल मीडियावर सध्या जोरदार चर्चा सुरु असल्याचं पाहायला मिळतंय. या शोमध्ये नादियाने बॉलीवूडच्या तिन्ही खानवरही काही गंभीर आरोप केले आहेत.
नादियाने काय म्हटलं?
हिंदी चित्रपटांमध्ये काम केल्यानंतर पाकिस्तानी कलाकारांना भारतात बरीच पसंती मिळाली. त्यामुळे तिथल्या टॉपच्या कलाकारांना भीती वाटू लागली. त्यामुळे त्यांनी राजकीयविषय निर्माण करण्याचा प्रयत्न केला आणि इथल्या कलाकारांना बॅन केलं. तिथल्या फक्त राजकीय नेत्यांना आमची भीती नाही वाटत तर तिथले कलाकार देखील आम्हाला घाबरतात. ते आमच्या टॅलेंटला इतके घाबरले की त्यांनी आम्हाला सरळ बॅन केलं, असं वादग्रस्त व्यक्तव्य अभिनेत्रीनं केलं आहे. यावेळी नादियाने बॉलीवूडच्या तिन्ही खानचा उल्लेख देखील केला.
I need her delusion pic.twitter.com/TVDBuP754j
— Ash (@ashilikeit) April 3, 2024
भारतीयांना देखील पाकिस्तानी कलाकारांचं काम आवडतंय. आपल्या दिग्दर्शकांना देखील त्यांचं काम आंतररष्ट्रीय स्तरावर पोहचवायचं आहे. पण भारतीय कलाकारांना हे होऊ द्यायचं नाही. त्यांना माहितेय हे कलाकार किती चोख काम करतात, त्यांची उर्दू अप्रतिम आहे म्हणून ते घाबरले आणि त्यांनी आम्हाला बॅन केलं, असंही नादियानं म्हटलं. दरम्यान नादियाच्या हा व्हिडिओ सध्या सोशल मीडियावर तुफान व्हायरल होत आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
and tablets