Munawar Faruqui : मुनव्वर फारुकीची एक झलक पाहण्यासाठी मुंब्र्यात चाहत्यांची तुडुंब गर्दी, पोलिसांचा लाठीचार्ज, अनेकांचे फोन चोरीला; जितेंद्र आव्हाडांनी मानले आभार

Bigg Boss 17 Winner Munawar Faruqui : 'बिग बॉस 17' या कार्यक्रमाचा विजेता मुनव्वर फारुकीची एक झलक पाहण्यासाठी चाहत्यांनी मुंब्र्यात तुडुंब गर्दी केली होती. दरम्यान जितेंद्र आव्हाड (Jitendra Awhad) यांनी अभिनेत्याचे आभार मानले.

Bigg Boss 17 Winner Munawar Faruqui

Bigg Boss 17 Winner Munawar Faruqui Reached Mumbra : 'बिग बॉस 17' (Bigg Boss 17) या छोट्या पडद्यावरील कार्यक्रमाचा महाअंतिम सोहळा नुकताच पार पडला. या कार्यक्रमाचा विनोदवीर मुनव्वर फारुकी (Munawar Faruqui) विजेता ठरला. मुनव्वरचा मोठा चाहतावर्ग आहे. त्याची एक झलक पाहण्यासाठी नुकतचं मुंब्र्यात चाहत्यांनी तुडुंब गर्दी केली होती. दरम्यान जितेंद्र आव्हाड (Jitendra Awhad) यांनी अभिनेत्याचे आभार मानले. 

'बिग बॉस 17' संपलं असलं तरी मुनव्वरची क्रेझ चाहत्यांमध्ये कायम आहे. विविध कार्यक्रमांच्या माध्यमातून सध्या तो चाहत्यांच्या संपर्कात येत आहे. नुकतचं मुंब्र्यात मुनव्वरचं जल्लोषात स्वागत करण्यात आलं. यावेळी त्याचे चाहते मोठ्या संख्येने उपस्थित होते. दरम्यान गर्दी आटोक्यात आणण्यासाठी पोलिसांना लाठीचार्ज करावा लागला. तसेच अनेकांचे फोनही चोरीला गेले.

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

जितेंद्र आव्हाड यांनी मुनव्वरचे आभार का मानले?  

शरद पवार गटाचे नेते जितेंद्र आव्हाड यांनी मुनव्वरचे आभार मानले आहेत. थँक्यू म्हणत त्यांनी मुनव्वरसोबतचे फोटो शेअर केले आहेत. मुंब्र्यातील लोकांना मुनव्वरला भेटण्याची इच्छा होती. त्यामुळे आव्हाडांनी त्याला बोलावलं. दरम्यान विनोदविराला पाहण्यासाठी चाहत्यांनी प्रचंड गर्दी केली. विनंतीला मान देत मुनव्वर मुंब्र्यात आल्याने जितेंद्र आव्हाड यांनी मुनव्वरचे आभार मानले.

'डोंगरी का शेर' नेहमीच असतो चर्चेत!

'बिग बॉस 17' जिंकल्यानंतर मुनव्वर ट्रॉफी घेऊन डोंगरीत गेला होता. त्यावेळी त्याच्या स्वागतासाठी चाहत्यांनी मोठी गर्दी केली. 'डोंगरी का शेर' म्हणून तो लोकप्रिय आहे. 'बिग बॉस 17' जिंकल्यानंतर त्याला 50 लाख रुपये आणि एक आलिशान कार बक्षीस म्हणून मिळाली होती. 

कोण आहे मुनव्वर फारुकी? (Who is Munawar Faruqui)

मुनव्वर फारुकी हा लोकप्रिय विनोदवीर, रॅपर आणि गायक आहे. 'बिग बॉस 17' आधी कंगना रणौतच्या लॉकअप या कार्यक्रमाचा तो विजेता ठरला होता. मुनव्वर व्हायसायिक कामांसह खासगी आयुष्यामुळे अनेकदा चर्चेत असते. गरीबी पाहिलेला मुनव्वर आज कोट्यवधींचा मालक आहे. विनोदवीराच्या आगामी कार्यक्रमांची चाहत्यांना आता उत्सुकता आहे. 'बिग बॉस 17'चा विजेता झालेल्या मुनव्वरवर अजूनही शुभेच्छांचा वर्षाव सुरुच आहे.

संबंधित बातम्या