Mumtaz Workout Video: वय 75 पण फिटनेस तरुणांना लाजवणारा; अभिनेत्री मुमताज यांचा वर्क आऊटचा व्हिडीओ व्हायरल
मुमताज (Mumtaz) या सोशल मीडियावर त्यांचे फोटो आणि व्हिडीओ शेअर करत आहेत. नुकताच मुमताज यांनी त्यांच्या वर्क आऊटचा व्हिडीओ शेअर केला.
Mumtaz Workout Video : 60-70 दशकातील प्रसिद्ध अभिनेत्री मुमताज (Mumtaz) यांनी आपल्या अभिनयानं अनेकांची मनं जिंकलीत. त्यांचा चाहता वर्ग मोठा आहे. काही दिवसांपूर्वी त्यांनी सोशल मीडियावर एन्ट्री केली. मुमताज या सोशल मीडियावर (Social Media) त्यांचे फोटो आणि व्हिडीओ शेअर करत आहेत. नुकताच मुमताज यांनी त्यांच्या वर्क आऊटचा व्हिडीओ शेअर केलाय. त्यांचा हा व्हिडीओ सोशल मीडियावर व्हायरल झाला आहे.
मुमताज या सोशल मीडियावर त्यांचे वेगवेगळ्या लूकमधील फोटो शेअर करत असतात. या फोटोमधील त्यांच्या फिटनेसचं अनेक जण कौतुक करतात. नुकताच मुमताज यांनी लेग वर्क आऊट (Leg workout) करतानाचा व्हिडीओ शेअर केला आहे. या व्हिडीओला कमेंट करुन चाहत्यांनी त्यांचे कौतुक केले आहे. त्यांचा हा व्हिडीओ सोशल मीडियावर (Social Media) व्हायरल झाला आहे.
पाहा व्हिडीओ:
View this post on Instagram
मुमताज यांनी दारा सिंह आणि धर्मेंद्र यांच्यासोबत अनेक चित्रपटांमध्ये काम केलं. काही दिवसांपूर्वी मुमताज यांनी धर्मेंद्र यांच्यासोबत 'इंडियन आयडल 13' या कार्यक्रमामध्ये हजेरी लावली. यावेळी धर्मेंद्र आणि मुमताज यांनी त्यांच्या चित्रपटांच्या शूटिंगदरम्यानच्या आठवणींना उजाळा दिला.
View this post on Instagram
वयाच्या 11 व्या वर्षी चाइल्ड आर्टिस्ट म्हणून मुमताज यांनी काम केलं. त्यानंतर त्यांनी 'फौलाद', 'डाकू मंगल सिंह' यांसारख्या चित्रपटात प्रमुख भूमिका साकारली. मुमताज यांनी बॉलिवूडमध्ये काही वर्ष काम केल्यानंतर 13 वर्षांचा ब्रेक घेतला. त्यानंतर त्यांनी 1990 मध्ये प्रदर्शित झालेल्या 'आंधियां' या चित्रपटामधून कम बॅक केलं. "आजकल तेरे मेरे प्यार के चर्चे" या गाण्यामुळे मुमताज यांना विशेष लोकप्रियता मिळाली.
अपना देश (1972), लोफर (1973), झील के उस पार (1973), चोर मचाये शोर (1974), आपकी कसम (1974), रोटी (1974), प्रेम कहानी (1975) आणि नागिन (1976) या चित्रपटातील मुमताज यांच्या अभिनयाला आणि नृत्याला प्रचंड लोकप्रियता मिळाली.
महत्वाच्या इतर बातम्या :
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
