(Source: ECI/ABP News/ABP Majha)
Salman Khan : ओल्ड इज गोल्ड! ज्येष्ठ अभिनेत्री मुमताज यांनी केला डान्स, सलमान खानकडून व्हिडीओ शेअर, म्हणाला...
Salman Khan : सलमान खानने आपल्या इंस्टाग्रामवर ज्येष्ठ अभिनेत्री मुमताज यांचा एक व्हिडीओ शेअर केला आहे.
Salman Khan Praised Mumtaz Dance : ज्येष्ठ अभिनेत्री मुमताज (Mumtaz) या म्युझिक अॅप Spotify वर पॉडकास्टमध्ये दिसल्या. पॉडकास्ट दरम्यान, त्यांनी शोच्या होस्टसोबत "आजकल तेरे मेरे प्यार के चर्चे" या गाण्यावर नृत्य केले. हे गाणे मुळात मुमताज आणि अभिनेता शम्मी कपूरवर चित्रीत झाले आहे. मुमताज यांचा हा व्हिडीओ बॉलीवूडचा सुलतान सलमान खानने (Salman Khan)पाहिला. तेव्हा तो त्यांच्या नृत्य कौशल्याचे कौतुक केल्याशिवाय राहू शकला नाही.
सलमानकडून मुमताज यांचा डान्सिंग व्हिडिओ शेअर
आज कल तेरे मेरे प्यार के चर्चे' या गाण्यावर नाचताना मुमताज यांच्या डान्सची क्लिप शेअर करत सलमानने इंस्टाग्रामवर लिहिले, "मुमताज आंटी तुम्हाला नाचताना पाहून खूप आनंद झाला. खूप आवडला तुमचा डान्,, तुम्ही बेस्ट आहात...!"आजकल तेरे मेरे प्यार के चर्चे" हे गाणं संगीतकार जोडी शंकर-जयकिशन यांनी संगीतबद्ध केले होते. मोहम्मद रफी आणि सुमन कल्याणपूर यांनी गायले आहे.
View this post on Instagram
मुमताज यांच्या व्हिडिओवर चाहत्यांचा प्रेमाचा वर्षाव
सलमान खानने हा व्हिडिओ शेअर करताच त्याच्या चाहत्यांनीही 75 वर्षीय अभिनेत्री मुमताज यांचे जोरदार कौतुक केले. अनेकांनी कमेंट मध्ये हार्ट इमोजी पोस्ट केले, तर एकाने लिहिले, "ओल्ड इज गोल्ड." तर दुसऱ्याने लिहिले, "लव्ह यू टू मुमताज मॅम."
1960-70 च्या दशकातील लोकप्रिय अभिनेत्री
ज्येष्ठ अभिनेत्री मुमताज 1960 आणि 1970 च्या दशकात बॉलीवूडमधील खूप यशस्वी अभिनेत्री होत्या. त्यांनी दो रास्ते (1969), बंधन (1969), आदमी और इंसान (1969), सच्चा झूठ (1970), तोय्या (1970), तेरे मेरे सपने (1971), हरे रामा हरे कृष्ण (1971) यासह विविध चित्रपटांमध्ये काम केले आहे. अपना देश (1972), लोफर (1973), झील के उस पार (1973), चोर मचाये शोर (1974), आपकी कसम (1974), रोटी (1974), प्रेम कहानी (1975) आणि नागिन (1976) या चित्रपटात त्यांचा दमदार अभिनय आणि नृत्याला प्रचंड लोकप्रियता मिळाली.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
