Mirzapur-3 Season Updates : "बहुत तकलीफ होती है...."'मिर्झापूर-3' रिलीजपूर्वी मुन्ना भैय्याने दिला चाहत्यांना धक्का!
Mirzapur-3 Season Updates Munna Bhaiya : 'मिर्झापूर-3' रिलीज पूर्वी मुन्ना भैय्या अर्थान दिव्येंदू शर्माने चाहत्यांना धक्का दिला आहे.
Mirzapur-3 Season Updates Munna Bhaiya : ओटीटी प्लॅटफॉर्मवर लोकप्रिय वेब सीरिज मिर्झापूरच्या तिसऱ्या सीझनची (Mirzapur-3 Season) चाहत्यांना उत्सुकता लागली आहे. मिर्झापूरच्या पहिल्या दोन सीझनला चाहत्यांनी भरभरून प्रतिसाद दिला. दुसऱ्या सीझनमध्ये आलेल्या अनपेक्षित, धक्कादायक ट्विस्टमुळे तिसऱ्या सीझनबद्दल उत्सुकता वाढली. अॅमेझॉन प्राइम व्हिडीओने (Amazon Prime Video) तिसरा सीझन या वर्षी रिलीज होणार असल्याची घोषणा केली. मात्र, आता चार वर्षानंतर रिलीज होत असलेल्या तिसऱ्या सीझनमध्ये मुन्ना भैय्याची व्यक्तीरेखा दिसणार नाही. अभिनेता दिव्येंदू शर्माने (Divyendyu Sharma) स्वत: ही बाब एका मुलाखतीत स्पष्ट केली आहे. त्यामुळे मुन्ना भैय्याच्या चाहत्यांची निराशा झाली आहे.
मुन्ना भैय्यामुळे जीव गुदमरला होता....
नुकत्याच दिलेल्या एका मुलाखतीत दिव्येंदूने सांगितले की, तो 'मिर्झापूर 3' मध्ये दिसणार नाही. मुन्ना भैय्या या डार्क व्यक्तीरेखेचा त्याच्या व्यक्तिमत्त्वावर खूप परिणाम झाला, असल्याचे त्याने सांगितले. लोकांनी एखाद्या व्यक्तिरेखेमध्ये खूप खोलवर जाऊ नये आणि जास्त रोमँटिस्टिक होऊ नये असेही त्याने सांगितले. मुन्ना भैय्याचे पात्र साकारताना अनेकदा गुदमरल्यासारखे वाटले असे सांगताना त्याने ते पात्र किती डार्क आहे हे त्या पात्राच्या भूमिकेतून बाहेर आल्यावर समजते. दिव्येंदूने मुलाखतीत पुढे म्हटले की, "अनेकदा मी वेगवेगळ्या गोष्टींवर रिएक्ट होत असे. माझी पत्नी मला विचारायची की तू असं का वागतोय? मुन्ना भैय्याचा परिणाम माझ्या वैयक्तिक आयुष्यावर होऊ लागला होता, असेही त्याने म्हटले.
'मिर्झापूर-2' मध्ये गुड्डू हा मुन्ना भैय्याला ठार करत आपली पत्नी आणि भावाच्या हत्येचा सूड घेतो. तर, दुसरीकडे कालिन भैय्यावर गोळ्या झाडण्यात आल्या आहेत. आता मिर्झापूरच्या गादीवर बीना भाभी बसणार की गु्ड्डू पंडितला राज्य देणार? जखमी कालिन भैय्या जिवंत असेल का, असेल तर तो सूड कसा उगवणार? अशा अनेक प्रश्नांची उत्तरे तिसऱ्या सीझनमध्ये मिळणार आहेत.
View this post on Instagram
दिव्येंदू शर्माला नेहमीच अभिनय क्षेत्रात येण्याची इच्छा होती. दिव्येंदू हा पहिल्यांदा 'प्यार का पंचनामा' या चित्रपटात दिसला होता. त्याच्या भूमिकेचे चांगलेच कौतुक झाले होते.
कधी रिलीज होणार तिसरा सीझन?
'मिर्झापूर'चा पहिला सीझन 2018 मध्ये प्रसारित झाला होता. पहिल्या सीझन सुपरहिट झाला. त्यानंतर दुसरा सीझन 2020 मध्ये रिलीज झाला. 'मिर्झापूर 2' पासून चाहते तिसऱ्या सीझनची प्रतीक्षा करत आहेत. आता 4 वर्षांनंतर चाहत्यांची प्रतीक्षा संपणार आहे. निर्मात्यांनी या वेब सीरिजचे पोस्टर रिलीज केले आहे. मात्र, अद्याप रिलीज डेट समोर आली नाही.
महत्त्वाच्या बातम्या
ट्रेंडिंग न्यूज
