Telly Masala : 'सुभेदार'चा वर्ल्ड टेलिव्हिजन प्रीमियर ते 'ठरलं तर मग' महाराष्ट्राची लोकप्रिय मालिका; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Marathi Serials : जुई गडकरीची 'ठरलं तर मग' महाराष्ट्राची लोकप्रिय मालिका! 'लक्ष्मीच्या पाऊलांनी' दुसऱ्या क्रमांकावर; जाणून घ्या TRP Report

Marathi Serial TRP Rating : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे.

Subhedar : मैत्री, शौर्य आणि बलिदानाची वीरगाथा; 'सुभेदार'चा होणार वर्ल्ड टेलिव्हिजन प्रीमियर

Subhedar Movie World Television Premiere : दिग्पाल लांजेकर (Digpal Lanjekar) दिग्दर्शित 'सुभेदार' (Subhedar) हा सिनेमा काही दिवसांपूर्वी सिनेमागृहात प्रदर्शित झाला असून या सिनेमाने चांगलाच धुमाकूळ घातला. आता या बहुचर्चित सिनेमाचा वर्ल्ड टेलिव्हिजन प्रीमियर होणार आहे. त्यामुळे मैत्री, शौर्य आणि बलिदानाची वीरगाथा प्रेक्षकांना आता घरबसल्या पाहायला मिळणार आहे.

Kavya Anjali Sakhi Saavali : प्रितम-अंजलीची बांधली जाणार लग्नगाठ; 'काव्यांजली- सखी सावली' मालिकेचा रंगणार लग्नसोहळा विशेष भाग

Kavya Anjali Sakhi Saavali : 'काव्यांजली-सखी सावली' (Kavya Anjali Sakhi Saavali) ही छोट्या पडद्यावरील लोकप्रिय मालिका आहे. गेल्या काही दिवसांपासून ही मालिका प्रेक्षकांचं चांगलच मनोरंजन करत आहे. आता या मालिकेत लग्नविशेष भाग रंगणार आहे. प्रितम आणि अंजली अखेर लग्नबंधनात अडकणार आहे. या लग्नविशेष भागाची मालिकाप्रेमींना उत्सुकता आहे.

Year Ender 2023 : 'बाईपण भारी देवा' ते 'आत्मपॅम्फलेट'; सरत्या वर्षात मराठीनं कात टाकली! 'या' चित्रपटांची झाली सर्वाधिक चर्चा

Marathi Movies Release On 2023 : मराठी सिनेसृष्टीसाठी 2023 हे वर्ष खूपच खास ठरलं. या वर्षात वेगवेगळ्या धाटणीचे, विविध विषयांवर भाष्य करणारे मराठी सिनेमे प्रदर्शित झाले. बॉक्स ऑफिसवर जादू दाखवण्यात हे सिनेमे यशस्वी ठरले. मराठी सिनेमांची फक्त चर्चाच झाली नाही तर या सिनेमातील गाण्यांनीही प्रेक्षकांना वेड लावलं. तिकीटबारीवर या सिनेमांनी दणदणीत कमाई केली. यात 'बाईपण भारी देवा' (Baipan Bhaari Deva), 'वाळवी' (Vaalvi) ते 'झिम्मा 2' (Jhimma 2) पर्यंत अनेक सिनेमांचा समावेश आहे. सरत्या वर्षात मराठीनं कात टाकली आहे.

Amruta fadnavis New Song: "तुम्हें आईने की जरुरत नहीं"; अमृता फडणवीसांचं नवं गाणं रिलीज

Amruta fadnavis New Song:  उपमुख्यमंत्री देवेंद्र फडणवीस (Devendra Fadnavis) यांच्या पत्नी आणि गायिका अमृता फडवणीस (Amruta Fadnavis)  यांची अनेक गाणी प्रेक्षकांच्या भेटीला आली आहे. नुकतेच त्यांचे एक नवे गाणे रिलीज झाले आहे. या गाण्याचं नाव "तुम्हें आईने की जरुरत नहीं" (Tumhein Aaine Ki) असं आहे. अमृता फडणवीस यांनी सोशल मीडियावर पोस्ट शेअर करुन त्यांच्या या नव्या गाण्याची माहिती नेटकऱ्यांना दिली आहे.