Telly Masala : 'महाराष्ट्राची हास्यजत्रा' फेम वनिता खरातची पोस्ट चर्चेत ते 'प्रेमाची गोष्ट' मालिकेत अपूर्वा नेमळेकरची एन्ट्री; जाणून घ्या मनोरंजन विश्वासंबंधित बातम्या...

Telly Masala : मराठी मनोरंजन विश्वासंबंधित बातम्या जाणून घ्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Ashok Saraf : यंदाचा अभिनय क्षेत्रातील पद्मश्री पुरस्कार अशोक सराफ यांना मिळणार? राज्य सरकार करणार केंद्राकडे शिफारस

Ashok Saraf : यंदाचा अभिनय क्षेत्रातील पद्मश्री पुरस्कार अशोक सराफ (Ashok Saraf) यांना देण्यात येईल, राज्य सरकार तशी केंद्राकडे शिफारस करणार असल्याचं राज्याचे सांस्कृतिक मंत्री सुधीर मुनगंटीवार यांनी सांगितलं. मराठी चित्रपट सृष्टीतील लोकप्रिय अभिनेते अशोक सराफ यांना बालगंधर्व रंगमंदिर येथे मुनगंटीवार यांच्या हस्ते कीर्ति सौरभ प्रतिष्ठानतर्फे देण्यात येणारा शिवशाहीर बाबासाहेब पुरंदरे पुरस्कार-2023 प्रदान करण्यात आला. त्यावेळी त्यांनी ही माहिती दिली.

Subhedar : सुभेदार चित्रपटामधील कलाकारांच्या लूकनं वेधलं लक्ष!

Subhedar : 'सुभेदार' चित्रपट 25 ऑगस्ट 2023 रोजी प्रेक्षकांच्या भेटीस येणार आहे. सुभेदार या चित्रपटामधील अजय पुरकर यांच्या लूकनं अनेकांचे लक्ष वेधले. अजय हे या चित्रपटामध्ये तानाजी मालुसरे यांची भूमिका साकारणार आहेत. आता सुभेदार या चित्रपटामधील इतर कलाकारांच्या लूकनं देखील नेटकऱ्यांचे लक्ष वेधले आहे.

Vanita Kharat : "मी जितकं हसवते आहे तितकचं..."; 'महाराष्ट्राची हास्यजत्रा' फेम वनिता खरातची पोस्ट चर्चेत

Vanita Kharat Post : 'महाराष्ट्राची हास्यजत्रा' (Maharashtrachi Hasyajatra) हा छोट्या पडद्यावरील लोकप्रिय कार्यक्रम आहे. या कार्यक्रमाच्या माध्यमातून अनेक कलाकार घराघरांत पोहोचले आहे. विनोदवीर, अभिनेत्री वनिता खरातला (Vanita Kharat) या कार्यक्रमाने अल्पावधीतच लोकप्रियता मिळवून दिली आहे. आता अभिनेत्रीची लक्षवेधी पोस्ट चर्चेचा विषय ठरली आहे. 

Apurva Nemlekar : अण्णांची शेवंता आता दिसणार ग्लॅमरस भूमिकेत; 'प्रेमाची गोष्ट' मालिकेत अपूर्वा नेमळेकरची एन्ट्री

Apurva Nemlekar Entry In Premachi Gosta Serial : 'प्रेमाची गोष्ट' (Premachi Gosta) ही नवी मालिका लवकरच प्रेक्षकांच्या भेटीला येणार आहे. या मालिकेत अभिनेत्री तेजश्री प्रधान (Tejashri Pradhan) आणि राज हंचनाळे (Raj Hanchnale) मुख्य भूमिकेत आहेत. तर आता या मालिकेत अण्णांची शेवंता अर्थात अपूर्वा नेमळेकरची (Apurva Nemlekar) एन्ट्री होणार आहे.

Apurva Gore : 'आई कुठे काय करते' मधील 'ही' अभिनेत्री लवकरच दिसणार हिंदी मालिकेत, पोस्ट शेअर करत दिली माहिती

Apurva Gore Post : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. या मालिकेची क्रेझ जवळपास सर्व महिलांमध्ये पाहायला मिळते. यातील प्रत्येक पात्राने प्रेक्षकांच्या मनावर राज्य केले आहे. ही मालिका अनेक महिलांच्या रोजच्या आयुष्याशी संबंधित असणारी असल्याने या मालिकेला प्रेक्षकांनी डोक्यावर उचलून धरले आहे. मालिकेत रोज नवनवीन ट्विस्ट येत असतात. ज्यामुळे प्रेक्षकांना मालिका पाहायला मजा येते.