Bipin Rawat : सीडीएस जनरल बिपीन रावत यांच्या अपघाती मृत्यूवर कलाकारांनी व्यक्त केला शोक

Bipin Rawat : सीडीएस जनरल बिपीन रावत यांच्या अपघाती मृत्यूवर लता मंगेशकर, कमल हासन तसेच इतर कलाकारांनीदेखील शोक व्यक्त केला आहे.

bollywood

Bipin Rawat Demise : भारतासाठी एक दु:खद माहिती समोर आली असून हवाई दलाच्या IAF MI 17 हेलिकॉप्टरच्या भीषण अपघातात सीडीएस जनरल बिपीन रावत यांचा मृत्यू झाला आहे. सीडीएस जनरल बिपीन रावत यांच्या अपघाती मृत्यूवर अनेकांनी शोक व्यक्त केला आहे. ज्येष्ठ गायिका लता मंगेशकर, अभिनेत्री कंगना राणौत, कमल हासन तसेच इतर कलाकारांनीदेखील शोक व्यक्त केला आहे. 

लता मंगेशकरांनी ट्विट करत शोक व्यक्त केला आहे. त्यांनी लिहिले आहे, "हेलिकॉप्टरच्या भीषण अपघातात सीडीएस जनरल बिपीन रावत, त्यांच्या पत्नी आणि 11 लष्करी अधिकाऱ्यांच्या मृत्यूची बातमी अत्यंत वेदनादायक आहे. भारतमातेच्या या शूर सुपुत्रांना मी श्रद्धांजली अर्पण करते. त्यांच्या कुटुंबीयांच्या दु:खात मी सहभागी आहे".

CDS जनरल विपिन रावत जी, उनकी धर्मपत्नी एवं सेना के ११ अन्य अफ़सरों के हेलीकॉप्टर दुर्घटना में निधन की खबर अत्यंत वेदनादायी है. इससे हमारे देश की बहुत बड़ी हानी हुई है. मैं भारतमाता के इन वीर सपूतों को अश्रुपूर्ण श्रद्धांजली अर्पण करती हूँ. मैं इनके परिवार के दुख में शामिल हूँ.

— Lata Mangeshkar (@mangeshkarlata) December 8, 2021

साऊथ सुपरस्टार कमल हासन यांनी रावत यांचा एक फोटो शेअर शोक व्यक्त केला आहे. त्यांनी ट्विटमध्ये म्हटले आहे,"आम्ही हात जोडून मनापासून शोक व्यक्त करतो".
राष्ट्रीय पुरस्कार विजेती अभिनेत्री कंगना रणौतने इंस्टाग्राम स्टोरीच्या माध्यमातून शोक व्यक्त केला आहे. कंगनाने लिहिले आहे, "या वर्षातील सर्वात भयानक बातमी. राष्ट्रसेवेबद्दल जनरल रावत यांचे राष्ट्र सदैव ऋणी राहील.ओम शांती. जय हिंद."

முப்படைகளின் தலைமை தளபதி பிபின் ராவத் உள்ளிட்ட ராணுவ அதிகாரிகள் பயணித்த ஹெலிகாப்டர் குன்னூர் மலைப்பகுதியில் விபத்துக்குள்ளானது கடும் அதிர்ச்சியளிக்கிறது. உயிரிழந்தோர் குடும்பங்களுக்கும் நண்பர்களுக்கும் என் ஆழ்ந்த அனுதாபங்கள்.

— Kamal Haasan (@ikamalhaasan) December 8, 2021

संबंधित बातम्या

Bipin Rawat Helicopter Crash : देशाचे पहिले सीडीएस जनरल बिपीन रावत यांचे हेलिकॉप्टर अपघातात निधन

Bipin Rawat : बिपीन रावत यांना शिवाजी महाराजांबद्दल नितांत अभिमान; 2018 सालच्या दिल्लीतील शिवजयंतीला उपस्थिती

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha