Koffee With Karan Season 8: 'कॉफी विथ करण 8' येणार प्रेक्षकांच्या भेटीस; कार्यक्रमाच्या पहिल्या एपिसोडमध्ये 'हे' कपल लावणार हजेरी?
'कॉफी विथ करण' (Koffee With Karan) या कार्यक्रमाचा आठवा सिझन प्रेक्षकांच्या भेटीस येणार आहे.
Koffee With Karan Season 8: बॉलिवूडमधील दिग्दर्शक करण जोहरचा (karan johar) 'कॉफी विथ करण' (Koffee With Karan) हा टॉक शो चर्चेत असतो. या कार्यक्रमाचे सात सिझन्स प्रेक्षकांच्या भेटीस आले. या कार्यक्रमाच्या सातही सिझन्सला प्रेक्षकांची पसंती मिळाली. लवकरच या कार्यक्रमाचा आठवा सिझन प्रेक्षकांच्या भेटीस येणार आहे. कॉफी विथ करणच्या या नव्या सिझनची प्रेक्षक उत्सुकतेने वाट बघत आहेत.
एका रिपोर्टनुसार, 'कॉफी विथ करण'या कार्यक्रमाच्या आठव्या सिझनच्या पहिल्या एपिसोडमध्ये बॉलिवूडचे पावर कपल, अशी ओळख असणारी आलिया भट्ट (Alia Bhatt) आणि रणबीर कपूर (Ranbir Kapoor) ही जोडी हजेरी लावणार आहे. तसेच शाहरुख खान देखील या सिझनमध्ये सहभागी होणार आहे, असंही म्हटलं जात आहे.
आलिया आणि रणवीर सिंह यांनी 'कॉफी विथ करण' च्या सातव्या सिझनमध्ये हजेरी लावली होती. तर शाहरुखनं सातव्या सिझनमध्ये हजेरी लावली नव्हती. आता 'कॉफी विथ करण' च्या काऊचवर रणबीर आणि आलिया यांना पाहण्यासाठी प्रेक्षक उत्सुक आहेत.
View this post on Instagram
करीना कपूर खान, अक्षय कुमार, वरुण धवन, सिद्धार्थ मल्होत्रा हे कलाकार 'कॉफी विथ करण' च्या आठव्या सिझनमध्ये हजेरी लावणार आहेत, असंही म्हटलं जात आहे.जून महिन्याच्या शेवटच्या आठवड्यात कॉफी विथ करणचा आठवा सिझन हा ऑनलाइन स्ट्रीम केला जाईल, असं म्हटलं जात आहे. कॉफी विथ करणच्या सातव्या सिझनमध्ये सारा अली खान, जान्हवी कपूर, अनन्या पांडे, विजय देवरकोंडा, आलिया भट्ट आणि रणवीर सिंह यांनी या सेलिब्रिटींनी हजेरी लावली होती.
रणबीरचा लवकरच अॅनिमल हा चित्रपट प्रेक्षकांच्या भेटीस येणार आहे. या चित्रपटात रश्मिका मंदान्ना देखील प्रमुख भूमिका साकारणार आहे. या चित्रपटाचे दिग्दर्शन कबीर सिंग फेम संदीप रेड्डी वंगा यांनी केले असून तो यावर्षी चित्रपटगृहांमध्ये प्रदर्शित होणार आहे, असं म्हटलं जात आहे. तर 'रॉकी और रानी की प्रेम कहानी' हा आलियाचा चित्रपट लवकरच प्रेक्षकांच्या भेटीला येणार आहे.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
