Kartik Aaryan: कार्तिक आर्यनच्या आईनं केली कॅन्सरवर मात; अभिनेत्यानं शेअर केली भावनिक पोस्ट

कार्तिकच्या (Kartik Aaryan)  आईनं कॅन्सरवर मात केली आहे. नुकतीच एक पोस्ट शेअर करुन कार्तिकनं याबाबत माहिती दिली आहे,

Kartik Aaryan

Kartik Aaryan: बॉलिवूड अभिनेता कार्तिक आर्यन  (Kartik Aaryan)  हा त्याच्या चित्रपटांमुळे चर्चेत असतो. कार्तिकचा चाहता वर्ग मोठा आहे. कार्तिकच्या आगामी चित्रपटांची प्रेक्षक उत्सुकतेने वाट बघत आहे. नुकतीच कार्तिकनं एक इमोशन पोस्ट सोशल मीडियावर (Social Media) शेअर केली आहे. कार्तिकची आई  माला तिवारी या गेल्या काही दिवसांपासून ब्रेस्ट कॅन्सरला (Breast Cancer) झुंज देत होत्या. आता त्यांनी कॅन्सरवर मात केली आहे. कार्तिक आर्यननं नुकताच आईसोबतचा एक फोटो सोशल मीडियावर शेअर करुन याबाबत माहिती दिली आहे.

कार्तिक आर्यनची पोस्ट

कार्तिक आर्यननं आईसोबतचा फोटो सोशल मीडियावर शेअर करुन कॅप्शनमध्ये लिहिलं, 'काही काळापूर्वी   बिग सी - 'कॅन्सर' आमच्या आयुष्यात आला आणि त्यानं आमच्या कौटुंबिक जीवनात नासधूस करण्याचा प्रयत्न केला! आम्ही हतबल होतो! पण माझी एका आईनं एका निडर सैनिकाप्रमाणे त्याचा सामना केला.  तिच्या जिद्द जिने कधीही हार मानली नाही.  आम्हअंधारावर विजय मिळवला. तुमच्या कुटुंबाच्या प्रेम आणि पाठिंब्यापेक्षा मोठी कोणतीही गोष्ट नसते!'

कार्तिकच्या पोस्टवर नेटकऱ्यांच्या कमेंट्स 

विकी कौशल, कपिल शर्मा, आयुष्मान खुराना, सान्या मल्होत्रा, एकता कपूर या सेलिब्रिटींनी कार्तिक आर्यनच्या पोस्टला कमेंट केली आहे. तर 'Well said, god bless' अशी कमेंट अभिनेकत्री सोनाली बेंद्रेनं कार्तिक आर्यनच्या पोस्टला केली आहे. तर अनुपम खेर यांनी, 'जय माता दी' अशी कमेंट केली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by KARTIK AARYAN (@kartikaaryan)

कार्तिकचे चित्रपट

कार्तिक आर्यनच्या 'सोनू के टीटू की स्वीटी', 'प्यार का पंचनामा 2', 'भूल भुलैया 2', 'पति पत्नी और वो' आणि 'धमाका' या चित्रपटांना प्रेक्षकांची पसंती मिळाली. कार्तिकचा शहजादा हा चित्रपट 17 फेब्रुवारी  2023 रोजी प्रेक्षकांच्या भेटीस आला. पण या चित्रपटाला प्रेक्षकांचा फारसा प्रतिसाद मिळाला नाही. आता प्रेक्षक आर्तिक आर्यनच्या आगामी चित्रपटांची वाट बघत आहेत.   त्याचा 'सत्यप्रेम की कथा' हा सिनेमा लवकरच प्रेक्षकांच्या भेटीला येणार आहे.  तसेच भूल भूलैय्या-3 मधून देखील आर्यन प्रेक्षकांच्या भेटीस येणार आहे, असं म्हटलं जात आहे.

इतर महत्वाच्या बातम्या: