दुसऱ्या मुलाचे नाव जहांगीर ठेवल्यावरुन सैफ अली खान-करीना कपूर सोशल मीडियावर ट्रोल

जहांगीर (Jehangir) नावावरुन करीना कपूर (Kareena Kapoor) आणि सैफ अली खान (Saif Ali Khan) यांना सोशल मीडियावर विरोध सुरु झाला आहे.

संग्रहित छायाचित्र

Controversy on Saif Ali Khan and Kareena Kapoor second baby name Jehangir : करीना कपूर (Kareena Kapoor) आणि सैफ अली खानच्या (Saif Ali Khan) दुसऱ्या मुलाचे नाव समोर आले आहे. मीडिया रिपोर्ट्सनुसार, करीनाने 9 ऑगस्ट रोजी लाँच केलेल्या तिच्या 'करीना कपूर खान प्रेग्नेन्सी बायबल' या पुस्तकात दुसऱ्या मुलाचे नाव जहांगीर (Jehangir) असे ठेवले आहे. ही बातमी येताच 'जहांगीर अली खान' सोशल मीडियावर ट्रेंड करायला लागलंय. सोशल मीडियावर या नावाच्या निवडीबाबत अनेक लोकं सैफ आणि करीनाला विरोध करत आहेत. काही सोशल मीडिया वापरकर्त्यांनी लिहिलंय, की पहिला तैमूर, दुसरा जहाँगीर आणि तिसरा औरंगजेब असेल.

सोशल मीडियावर जहांगीर नावाच्या संदर्भात विरोध सुरू झाला आहे, ज्याप्रमाणे सैफ-करीनाचे पहिले मूल तैमूरच्या नावासंदर्भात झाला होता. नावाला होणारा वाढता विरोध पाहून सैफची मोठी बहीण सबा अली खान त्यांच्या मदतीला धावून आली आहे. तिने इन्स्टाग्राम स्टोरीमध्ये लिहिलंय, की नावात काय आहे? प्रेम द्या, जगा आणि जगू द्या? मुले देवाचे रूप आहेत. करीना-सैफने आपल्या दुसऱ्या मुलाचे नाव जेह अली खान ठेवले आहे. पण आता समजले आहे की जेह हे जहागीरचे छोटे टोपणनाव आहे. करीनाने यावर्षी 21 फेब्रुवारीला दुसऱ्या मुलाला जन्म दिला.

याआधी 2016 मध्ये, जेव्हा ती पहिल्यांदा आई बनली होती, तेव्हा तिला मुलगा तैमूरचे नाव दिल्यानंतरही तिला खूप विरोध सहन करावा लागला होता. वास्तविक, तैमूर नावाचा एक शासक होता जो अत्यंत क्रूर मानला जात असे. सैफ-करीनाने नंतर स्पष्ट केले की त्यांनी तैमूर हे नाव निवडले कारण याचा अर्थ मजबूत आहे. 2012 मध्ये सैफ आणि करीनाचे लग्न झाले. करीना सैफची दुसरी पत्नी आहे. सैफने याआधी अमृता सिंगसोबत लग्न केले होते, जे 13 वर्षांनंतर वेगळे झाले. अमृतापासून सैफ सारा अली खान आणि इब्राहिम अली खान ही दोन मुले सैफ अली खानला आहेत.