जावेद जाफरीच्या मुलामुळे अनंत-राधिकाचं लग्न? म्हणूनच अंबानींकडून मिळाला 30 कोटींचा फ्लॅट गिफ्ट? 'त्या' पोस्टमुळे चर्चांना उधाण
Jaaved Jaafri : एक्स या सोशल मिडिया माध्यामावर सध्या एक पोस्ट चांगलीच चर्चेत आली आहे. या पोस्टमुळे जावेद जाफरीच्या मुलावर सध्या बऱ्याच कमेंट्स येत आहेत.
Jaaved Jaafri : जगभरातील मान्यवर मंडळी, राजेशाही थाट, बॉलीवूडकरांचं वऱ्हाड अशा गोष्टींनी सजलेला मुकेश अंबानी (Mukesh Ambani) यांच्या धाकट्या लेकाचा विवाहसोहळा नुकताच पार पडला. अनंत अंबानी (Anant Ambani) आणि राधिका मर्चंट (Radhika Merchant) यांनी शुक्रवार 12 जुलै रोजी मुंबईत लग्नगाठ बांधली. या आलिशान सोहळ्याची जवळपास मागील महिनाभरापासून तयारी सुरु होती. राधिका आणि अनंत हे दोघेही खूप वर्षांपासून एकमेकांना डेट करत होते. त्यानंतर आता हे दोघेही लग्नबंधनात अडकले आहेत.
या सोहळ्याविषयी सध्या सोशल मीडियावर वेगवेगळे दावे केले जात आहेत. त्यातच एक नवी पोस्ट सध्या सोशल मीडियावर तुफान व्हायरल होतेय. यामध्ये जावेद जाफरी यांच्या मुलाचा थेट संबंध जोडण्यात आलाय. विशेष म्हणजे अनंत आणि राधिकासाठी त्याला अंबानींकडून 30 कोटी रुपयांचा फ्लॅट गिफ्ट करण्यात आला असा दावाही करण्यात येतोय. पण या सगळ्यावर जावेद जाफरी यांनीही प्रतिक्रिया दिली आहे.
नेमकं प्रकरण काय?
सोशल मीडियावर अभिनेता कमल खान याने यासंदर्भात एक्स पोस्ट केली आहे. त्यामध्ये त्याने म्हटलं की, जावेद जाफरीचा मुलगा मिझान जावेद जाफरी हा सध्या वांद्र्यातील संधू पॅलेसमध्ये राहतो. त्याने राधिका आणि अनंतची ओळख करुन दिली होती, म्हणून त्याला मुकेश अंबानी यांनी वांद्र्यात 30 कोटींचा फ्लॅट गिफ्ट केला आहे. कमाल खानच्या या एक्स पोस्टची सोशल मीडियावर बरीच चर्चा सुरु आहे.
Actor Javed Jaffrey son Meezan Javed Jaffrey is staying at Sandhu Palace Bandra, Mumbai. Because Mukesh Ambani has gifted him that apartment worth of ₹30cr. Actually Meezan did introduce Radhika Merchant to Anant Ambani. Kuch Bhi Ho Sakta Hai.😁
— KRK (@kamaalrkhan) July 14, 2024
जावेद जाफरीची प्रतिक्रिया
यावर जावेद जाफरीने देखील प्रतिक्रिया दिली आहे. त्याने या सगळ्या गोष्टीला नकार देत, 'कुछ भी' असं म्हटलं आहे. कमाल खानच्या या पोस्टमुळे बऱ्याच कमेंट्सही आल्या आहेत. काहींनी कमाल खानच्या बाजूने तर काहींनी त्याला ट्रोल करणाऱ्या कमेंट्स केल्या आहेत.
Kuch bhi !!!! 😄 https://t.co/Pu9A8kotCJ
— Jaaved Jaaferi (@jaavedjaaferi) July 14, 2024
View this post on Instagram
ही बातमी वाचा :
महत्त्वाच्या बातम्या
