Salim - Javed : 'चलो एक और पिक्चर लिखते है!' शोले, दीवार, मिस्टर इंडियाची हिट जोडी सलीम-जावेद पुन्हा एकत्र
Salim Javed : सलीम-जावेद ही हिट जोडी पुन्हा एक नवा सिनेमा लिहिणार असल्याची घोषणा जावेद अख्तर यांनी केली आहे.
Salim Javed : अंदाज (Andaj), जंजीर (Zanjeer), सिता और गिता, शोले (Sholey), दिवाँर, आखरी दाँव यांसारख्या सुपरहिट सिनेमांना घडवणारी जोडी म्हणजे सलीम-जावेद (Javed Akhtar- Salim Khan). लेखक म्हणून 'सलीम-जावेद' यांनी भारतीय सिनेमांमध्ये विशेषत: बॉलीवूड सिनेमांचा एका काळ घडवला. त्यांच्या सर्जनशील नवकल्पनांनी हिंदी चित्रपटसृष्टीसाठी एक महत्त्वपूर्ण टप्पा पार केला. त्यामुळे त्यांचे सिनेमे हे प्रेक्षकांसाठी सत्तरीच्या दशकांत मनोरंजनासोबतच आयुष्यातल्या अनेक घटकांवरही भाष्य करणारे ठरले.
सलीम-जावेदच्या जोडीने मिस्टर इंडिया हा शेवटचा सिनेमा लिहिला होता. त्यामुळे त्यानंतरच्या अनेक पिढ्यांना या जोडीच्या लिखाणाची जादू तशी अनुभवता आली नाही. पण आता एक आनंदाची बातमी समोर येत आहे. कारण सलीम-जावेद ही जोडी लवकरच एक सिनेमा लिहिणार आहे आणि ही घोषणा स्वत: जावेद अख्तर यांनी केली आहे.
जावेद अख्तर यांनी केली घोषणा
सिनेमातील नायकापेक्षाही लेखक म्हणून सर्वाधिक मानधन घेणाऱ्या या जोडीचा प्रवास हा आता डॉक्युमेंट्रीमधून उलगडण्यात येणार आहे. तीन भागांची ही डॉक्युमेंट्री असणार आहे. नुकतच या डॉक्युमेंट्रीचा ट्रेलर लॉन्च सोहळा पार पडला. त्यावेळी जावेद अख्तर आणि सलीम खान हे स्वत: उपस्थित होते. याचवेळी जावेद अख्तर यांनी ही घोषणा केली.
'चलो एक और पिक्चर लिखते है!'
जावेद अख्तर यांनी यावेळी बोलताना म्हटलं की, मी आता तुम्हा सगळ्यांना एक गोष्ट सांगू इच्छितो की, आता आम्ही दोघंही एकत्र लिहिणार आहोत.मी सलीमला म्हटलं की, चलो एक और पिक्चर साथ में लिखते हैं. त्यावेळीही आमचं मानधन सगळ्यात जास्त होतं आणि आताही आमचं मानधन जास्त असेल, हे फक्त लक्षात ठेवा, असंही मिश्किलपणे जावेद अख्तर यांनी म्हटलं आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
