Dhanush Hindi Film: 'इस बार शंकर को कैसे रोकोगे?' धनुषच्या नव्या चित्रपटाची घोषणा; अभिनेत्यानं शेअर केला खास व्हिडीओ
धनुषच्या (Dhanush) 'तेरे इश्क में' या चित्रपटाची घोषणा करण्यात आली आहे.
Dhanush Hindi Film: दाक्षिणात्य चित्रपटसृष्टीतील प्रसिद्ध अभिनेता धनुषनं (Dhanush) हिंदी चित्रपटसृष्टीत देखील विशेष ओळख निर्माण केली आहे. धनुषनं अतरंगी रे, रांझणा यांसारख्या हिंदी चित्रपटांमध्ये काम केलं. धनुषच्या या चित्रपटांना प्रेक्षकांची विशेष पसंती मिळाली. धनुषच्या रांझणा या चित्रपटाला रिलीज होऊन 10 वर्षे झाली आहे. याच निमित्तानं धनुषनं एक खास व्हिडीओ सोशल मीडियावर शेअर करुन त्याच्या नव्या चित्रपटाची घोषणा केली आहे.
धनुषनं आणि दिग्दर्शक आनंद एल राय यांनी एक खास व्हिडीओ सोशल मीडियावर शेअर केला आहे. या व्हिडीओमध्ये दिसत आहे की, धनुष हातात एक बॉटल घेऊ पळत आहे. "तेरे हाथ की मेहंदी मुझपर चोट बनकर उभर रही है. तेरे माथे की बिंदी मेरे हाथों की लकीरें खा जाती है. अपनी मांग के सिंदूर से क्या हर बार मेरी सांस, मेरी धड़कनों को टोकोगे, पिछली बार तो कुंदन था, मान गया, पर इस बार शंकर को कैसे रोकोगे?" हा धनुषचा डायलॉग या व्हिडीओमध्ये ऐकू येतो. त्यानंतर व्हिडीओमध्ये दिसते की, धनुष हातात धरलेली बाटली भिंतीवर फेकतो. त्या भिंतीला आग लागते. त्या भिंतीवर 'तेरे इश्क में' असं लिहिलेलं दिसत आहे.
पाहा व्हिडीओ:
View this post on Instagram
धनुषच्या या नव्या चित्रपटाचं नाव 'तेरे इश्क में' असं आहे. दिग्दर्शक आनंद एल राय यांनी या चित्रपटाचं दिग्दर्शन केलं आहे. धनुषच्या अतरंगी रे, रांझणा या चित्रपटांचे दिग्दर्शन देखील आनंद एल राय यांनीच केले होते.
Har har Mahadev 🙏🙏 My next Hindi film. https://t.co/mQeUXyi3dh pic.twitter.com/Abi7ajgaFx
— Dhanush (@dhanushkraja) June 21, 2023
द ग्रे-मॅन या हॉलिवूड चित्रपटात देखील धनुषनं काम केलं. . धनुष हा काही दिवसांपूर्वी 'वाथी' या चित्रपटामधून प्रेक्षकांच्या भेटीस आला. आता धनुषच्या 'तेरे इश्क में' या आगामी चित्रपटाची प्रेक्षक उत्सुकतेने वाट बघत आहेत. हा चित्रपट 2024 मध्ये रिलीज होईल,असं म्हटलं जात आहे. पण धनुषनं आणि या चित्रपटाच्या टीमनं या चित्रपटाच्या रिलीज डेटबाबत अजून कोणतीही माहिती दिलेली नाही.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
