Katrina Kaif : दीपिकानं चित्रपट नाकारल्यानं कतरिनाचं नशीब फळफळलं, मिळाला करिअरमधील पहिला ब्लॉकबस्टर चित्रपट

Deepika Padukone Rejected This Film : धूम 3 चित्रपटासाठी कतरिना कैफच्या आधी दीपिका पदुकोणला विचारण्यात आलं होतं. पण, तिने नकार दिल्यानंतर या चित्रपटासाठी कतरिनाला विचारण्यात आलं.

Deepika Padukone Rejected This Film

Source : insta

Deepika Padukone Rejected This Film : अभिनेत्री कतरिना कैफने अनेक ब्लॉकबस्टर चित्रपट दिले आहेत. सध्या कतरिना मोठ्या पडद्यापासून बळाच काळ दूर आहे. पण, तिने बॉलिवूडच्या सुपरहिट चित्रपटांमध्ये काम केलं आहे. तुम्हाला माहित नसेल, पण अनेक वेळा या ब्लॉकबस्टर चित्रपटांसाठी ती निर्मात्यांची पहिली पसंती नव्हती. कतरिनाच्या करिअरमधील ब्लॉकबस्टर ठरलेले अनेक चित्रपट दुसऱ्या अभिनेत्रीना नाकारल्यामुळे तिला मिळाले होते. 

दीपिकानं चित्रपट नाकारल्यानं कतरिनाचं नशीब फळफळलं

बॉलिवूडचा ब्लॉकबस्टर ठरलेला असा एक चित्रपट होता ज्यासाठी कतरिना कैफ निर्मात्यांची पहिली पसंती नव्हती. या चित्रपटासाठी कतरिनाच्या आधी दीपिका पदुकोणला अप्रोच करण्यात आलं होतं. तिने हा चित्रपट करण्यास नकार दिल्यानंतर कतरिनाला चित्रपटाची ऑफर आली. कतरिना कैफसाठी ही सुवर्णसंधी ठरली, त्या चित्रपटामुळे तिला वेगळी ओळख मिळाली. हा चित्रपट सर्वकालीन ब्लॉकबस्टर ठरला आहे.

मिळाली करिअरमधील पहिला ब्लॉकबस्टर चित्रपट

धूम 3 चित्रपटासाठी कतरिना कैफ पहिली पसंती नव्हती. हा चित्रपट आधी दीपिका पदुकोणला ऑफर करण्यात आला होता. विजय कृष्णा दिग्दर्शित धूम 3 हा एक ॲक्शन-पॅक चित्रपट होता. या चित्रपटाची निर्मिती आदित्य चोप्राने केली होती. धूम फ्रँचायझीचा हा तिसरा चित्रपट होता. या चित्रपटात आमिर खान, अभिषेक बच्चन, उदय चोप्रा, जॅकी श्रॉफ आणि कतरिना कैफ महत्त्वाच्या भूमिकेत दिसले होते.

दीपिकानं नाकारली ऑफर

धूम 3 चित्रपटासाठी कतरिना कैफच्या आधी, दीपिका पदुकोणला मुख्य भूमिकेसाठी संपर्क साधण्यात आला होता, परंतु तिने या चित्रपटाची ऑफर नाकारली. त्यावेळी दीपिका अयान मुखर्जीच्या 'ये जवानी है दिवानी' चित्रपटात व्यस्त होती. दीपिकानं नाकारल्यानंतर ही भूमिका कतरिना कैफला ऑफर करण्यात आली आणि कतरिनानं या भूमिकेला पुरेपूर न्याय दिला. या चित्रपटातील कतरिनाचा कमली गाण्यावरील डान्सही चांगलाच पसंतीस उतरला.

डान्स नंबर व्हायरल झाला

धूम 3 चित्रपटामधील कतरिना कैफचा कमली हा डान्स नंबर व्हायरल झाला होता. तिचे हॉट मूव्ह्स पाहून चाहते वेडे झाले. आमिरच्या खलनायकाच्या भूमिकेने सर्वांचीच लाइमलाइट घेतली, पण, या चित्रपटातील कतरिना कैफचा अभिनय प्रेक्षकांसोबतच समीक्षकांनाही आवडला होता. 175 कोटी रुपये बजेट असलेला धूम 3 चित्रपट त्या वर्षातील सर्वात महागड्या चित्रपटांपैकी एक होता. या चित्रपटाने बॉक्स ऑफिसवर मोठी कमाई केली आणि जगभरात 558 कोटींची कमाई केली. हा चित्रपट कतरिना कैफचा सर्वात मोठा ब्लॉकबस्टर चित्रपट ठरला.

महत्त्वाच्या इतर बातम्या :