Bollywood Upcoming Films : 'या' हिट सिनेमांचे सिक्वेल 2022 मध्ये होणार प्रदर्शित

Bollywood Upcoming Films : नव्या वर्षात बॉलिवूडच्या अनेक लोकप्रिय सिनेमांचे सिक्वेल प्रदर्शित होणार आहेत.

बॉलिवूड_सिक्वेल

Bollywood film release in 2022 : 2022 वर्षात अनेक सिनेमे प्रदर्शित होणार आहेत. नव्या सिनेमांसह काही सिनेमांचे रिमेक तर काही सिनेमांचे सिक्वेलदेखील लवकरच प्रेक्षकांच्या भेटीला येणार आहेत. 

बधाई दो (Badhaai Do)
'बधाई दो' सिनेमात आयुष्मान खुराना आणि सान्या मल्होत्रा ​​मुख्य भूमिकेत होते. नीना गुप्ता आणि गजराज राव यांनीदेखील सिनेमात महत्त्वाची भूमिका साकारली होती. लवकरच या सिनेमाचा दुसरा भाग प्रदर्शित होणार आहे. या सिनेमात राजकुमार राव आणि भूमी पेडणेकर मुख्य भूमिकेत दिसणार आहेत.

हिरोपंती 2 (Heropanti 2)
हिरोपंती हा सिनेमा 2014 साली प्रदर्शित झाला होता. या सिनेमाच्या माध्यमातून टायगर श्रॉफने बॉलिवूडमध्ये पदार्पण केले होते. लवकरच या सिनेमाचा दुसरा भाग प्रदर्शित होणार आहे. या सिनेमात टायगर श्रॉफसह नवाजुद्दीन सिद्दीकी आणि तारा सुतारिया देखील मुख्य भूमिकेत दिसणार आहेत. एप्रिलमध्ये हा सिनेमा प्रदर्शित होऊ शकतो असा अंदाज वर्तवला जात आहे. 

भूल भुलैया 2  (Bhool Bhulaiyaa 2)
कार्तिक आर्यनचा आगामी 'भूल भुलैया 2' हा एक विनोदी भयपट आहे. अक्षय कुमारच्या भूल भुलैया या चित्रपटाचा हा सिक्वेल आहे. हा चित्रपट 25 मार्च 2022 रोजी सिनेमागृहात प्रदर्शित होणार आहे. 

एक विलेन रिटर्न्स ( Ek Villain Returns)
एक विलेन रिटर्न्स सिनेमात दिशा पटानी, जॉन अब्राहम, तारा सुतारिया आणि अर्जुन कपूर मुख्य भूमिकेत दिसणार आहेत. हा सिनेमा जुलैमध्ये सिनेमागृहात प्रदर्शित होणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha