Anup Soni On Akshaye Khanna Acting: 'अक्षय खन्नाला मी अॅक्टिंग शिकवलीय...'; अभिनेत्याच्या दाव्यानं सर्वांच्या भुवया उंचावल्या, म्हणाला, 'त्याची विचारसरणी...'
Anup Soni On Akshaye Khanna Acting: अक्षय खन्ना हा आपला विद्यार्थी होता आणि आपण त्याला अभिनयाचे धडे दिले आहेत, असा दावा एका अभिनेत्यानं केल्यामुळे सर्वांच्या भुवया उंचावल्या आहेत.
Anup Soni On Akshaye Khanna Acting: 'छावा' (Chhaava) आणि त्यानंतर 'धुरंधर' (Dhurandhar) या सिनेमांच्या यशानंतर, अभिनेता अक्षय खन्नानं (Akshaye Khanna) आपल्या दमदार अभिनयानं अक्षरशः धुमाकूळ घातलेला. सिनेसृष्टीपासून ते सोशल मीडियापर्यंत सगळीकडे त्याचीच चर्चा रंगलेली. त्यानं साकारलेल्या 'छावा'मधला औरंगजेब आणि 'धुरंधर'मधल्या 'रहमान डकैत'नं सर्वांना भूरळ घातली. पण, याच दरम्यान अक्षयच्या नावापुढे एक कॉन्ट्रोवर्सी जोडली गेली. अक्षय खन्नानं 'दृश्यम 3' (Drishyam 3) सिनेमा सोडल्याचं समोर आलं. यासाठी अक्षय खन्नाच्या डोक्यात हवा गेलीय, आता त्याला जास्त पैसे हवेत, अशी अनेक कारणंही सांगितली गेली. अशातच आता अक्षय खन्ना पुन्हा एकदा 'धुरंधर: द रिवेंज' (Dhurandhar: The Revenge) सिनेमात दिसणार आहे. हा सिनेमा 19 मार्च रोजी प्रदर्शित होणार आहे. पण, ज्या अक्षय खन्नाच्या अभिनयावर सारे फिदा झालेत, त्याला अभिनय शिकवल्याचा दावा एका अभिनेत्यानं केला आहे. अभिनेत्याचं वक्तव्य ऐकून अनेकांना आश्चर्याचा धक्का बसला आहे. दरम्यान, 'अपहरण' (Apharan) आणि 'सत्यमेव जयते 2' (Satyameva Jayate 2) सारख्या सिनेमांसाठी ओळखला जाणारा अभिनेता अनुप सोनीनं (Anup Soni) असा दावा केला आहे की, त्यानंच अक्षय खन्नाला अभिनयाचे धडे दिले आहेत.
View this post on Instagram
अभिनेता अनुप सोनी नेमकं काय म्हणाला?
एका मुलाखतीत बोलताना अभिनेता अनुप सोनीनं अक्षयच्या स्ट्रगल आणि यशाबद्दल भाष्य केलं. तसेच, आपणच त्याला अभिनय शिकवल्याचा दावाही केला. तो म्हणाला की, "मी अक्षयसोबत अनेक अभिनय वर्ग घेतले आहेत. मी त्याला अभिनय शिकवलाय. त्याचा आजचा हा यशस्वी प्रवास पाहून मला मनापासून आनंद होतोय. अक्षयची विचारसरणी नेहमीच स्पष्ट होती आणि मी नेहमीच त्याचं कौतुक केलंय...".
"अक्षय आता अशा टप्प्यावर पोहोचला आहे, जिथे तो चित्रपट निर्मात्यांसाठी अत्यंत विश्वासार्ह अभिनेता बनला आहे. कोणत्याही भूमिकेत तो चपखल बसतो आणि हीच एका चांगल्या अभिनेत्याची ओळख आहे. त्याने सुरुवातीला लहान आणि मध्यवर्ती भूमिकांमधून अनुभव घेतला आणि आता तो जे काम करतोय ते खरोखरच आश्चर्यकारक आहे...", असं अनुप सोनी म्हणाला.
दरम्यान, 'धुरंधर: द रिव्हेंज'सोबतच 2026 मध्ये अक्षय खन्ना इतरही प्रोजेक्ट्समध्ये दिसणार आहे. अक्षय खन्ना लवकरच 'इक्का' सिनेमात दिसणार आहे. हा सिनेमा नेटफ्लिक्सवर प्रदर्शित होणार आहे. यामध्ये तो सनी देओलसोबत मुख्य भूमिकेत झळकणार आहे. याव्यतिरिक्त अक्षय खन्ना 'महाकाली' साऊथ सिनेमातही दिसणार आहे.
महत्त्वाच्या इतर बातम्या :
महत्त्वाच्या बातम्या
