Video: दिवसाला 50 हून सिगरेट ओढण्यासाठी प्रसिद्ध, शाहरुखनं चाहत्यांसमोर केला स्मोकिंगविषयी खुलासा, चाहतेही किंचाळले
शाहरुख खान हा दिवसाला 50 पेक्षा जास्त सिगरेट ओढण्यासाठी ओळखला जायचा.
Shahrukh Khan Smoking: बॉलिवूडच्या विश्वात चाहत्यांच्या जिव्हाळ्याचा विषय म्हणजे बॉलिवूडचा किंग खान. सध्या अभिनेता शाहरुख खान चांगलाच चर्चेत आहेत. सध्या वाढदिवसामुळे शाहरुखची एकच चर्चा असून गेल्या काही दिवसांपूर्वी दुबईतील एका कार्यक्रमाला त्याची हजेरीही चर्चेत होती. याच कार्यक्रमातली एक क्लिप सध्या सोशल मीडियावर व्हायरल होत आहे. यात शाहरुख त्याच्या चाहत्यांसमोर स्मोकिंगविषयी खुलासा करतो.
काही दिवसांपूर्वी आर्यन खानच्या ब्रँडच्या लाँचिंगसाठी अभिनेता शाहरुख खान दुबईत गेला होता. त्या कार्यक्रमात आपल्या सिग्नेचर पठाणच्या स्टेपवर डान्स करत त्यानं चाहत्यांचं लक्ष वेधलं होतं. आता त्याच कार्यक्रमात तो चाहत्यांना मी आता स्मोकिंग बंद केल्याचं सांगितल्याचं दिसतंय. शाहरुख खान हा दिवसाला 50 पेक्षा जास्त सिगरेट ओढण्यासाठी ओळखला जायचा.
काय सांगितलं शाहरुखनं चाहत्यांना?
अनेक वर्षांपासून शाहरुख धुम्रपान करतो. त्याच्या धुम्रपानाच्या सवयींवर अनेक वर्षांपासून चाहत्यांमध्ये चर्चा असते. दिवसाला ५० पेक्षा अधिक सिगारेट ओढण्यासाठी शाहरुख ओळखला जातो. पण नुकत्याच एका कार्यक्रमात त्यानं चाहत्यांना त्यानं स्मोकिंग सोडली असल्याचं सांगितलं. तो म्हणाला, आणखी एक चांगली गोष्ट, मित्रांनो, मी आता स्मोकिंग करत नाही. मला असे वाटत होते की मला आता दम लागेल पण मला बरं वाटत आहे. अजूनही जुळवून घेत आहे. यावर चाहतेही आनंदानं किंचाळले.इंशाअल्लाह, वो भी थेक हो जायेगा.. असं म्हणतानाची त्याची ही क्लिप सध्या सोशल मीडियावर चांगलीच व्हायरल होत आहे.
“I am not smoking anymore guys.”
— Shah Rukh Khan Universe Fan Club (@SRKUniverse) November 3, 2024
- SRK at the #SRKDay event ❤️❤️ #HappyBirthdaySRK #SRK59 #King #ShahRukhKhan pic.twitter.com/b388Fbkyc4
चाहत्यांची प्रतिक्रीया काय?
शाहरुखच्या या घोषणेनंतर चाहत्यांनी किंचाळत आनंद व्यक्त केला. ही क्लिप सध्या सोशल मीडियावर चांगलीच व्हायरल होत असून यावर चाहत्यांनी ही चित्रपटापेक्षा चांगली बातमी असल्याचं सांगितलंय. काहींनी देवाचे आभार मानले आहेत. अनेकांनी त्याला वाढदिवसाच्या शुभेच्छा दिल्या आहेत.
हेही वाचा:
महत्त्वाच्या बातम्या
