'सलमान खूपच गोड आहे'; दिशा पाटनीचा सलमानला होकार
बॉलिवूड अभिनेत्री दिशा पाटनीने अभिनेता सलमान खानला होकार दिला असून सलमान खूपच गोड असल्याचंही तिने म्हटलं आहे. त्यामुळे सध्या बॉलिवूडचा दबंग भाईजान आणि दिशा पाटनीच्या चर्चा रंगल्याचं दिसत आहे.
मुंबई : दिशा पाटनी बॉलिवूडमधील सध्याची टॉपची अभिनेत्री आहे. अनेक कारणांनी ती सतत चर्चेत असते. आधी टायगर श्रॉफची मैत्रीण म्हणून ती सगळीकडे वावरताना दिसते. मग ती शिवसेना नेते आदित्य ठाकरे यांच्यासोबतही काही ठिकणी दिसते आणि शिवाय तिचे सिनेमे... सोशल मीडियावर व्हायरल होणारे तिचे फोटो यामधूनही ती सतत चर्चेत असते. आता दिशा पाटनीने सलमानला थेट होकार दिला आहे. कारण, सलमान खूपच गोड आहे असं तिचं म्हणणं आहे.
सलमानला होकार असं वाचून अनेकांच्या मनात अनेक शंका येऊ शकतात. पण मंडळी हा होकार सिनेमाला आहे. सलमान खानची मुख्य भूमिका असलेला प्रभूदेवा दिग्दर्शित करत असलेल्या 'राधे' या सिनेमात दिशा पाटनीची एंट्री झाली आहे. सलमानने फक्त येते का...? असं विचारल्यावर दिशाने सलमानला हा होकार दिला आहे. याबद्दल तिला विचारलं असता ती म्हणते, 'सलमान स्टार आहे. ते सतत आपल्या भवतीने एक ऑरा घेऊन वावरत असतात. पण ते खूप गोड आहेत. त्यांनी मला राधेमधल्या सिनेमाबद्दल विचारल्यानंतर मी लगेच होकार दिला. कारण सलमान यांच्यासोबत काम करणं हा एक मुद्दा होता शिवाय, प्रभूदेवा यांच्या सिनेमात मी असणं हेही दुसरं कारण आहे.'
View this post on Instagram
दिशाचा सलमानसोबतचा हा दुसरा सिनेमा. यापूर्वी भारत या सिनेमात दिशाने सलमानसोबत स्क्रीन शेअर केली आहे. राधेच्या चित्रिकरणाला सुरुवात झाली आहेच. शिवाय, दिशा आणि सलमान यांच्या गाण्याचं चित्रिकरण सध्या खंडाळ्याजवळ सुरु आहे. हे गाणं रोमॅंटिक असणार आहे.
सुशांत सिंह राजपूतच्या मृत्यूनंतर सलमानसह अनेक कलाकारांवर काळे ढग दाटून आले होते. लॉकडाऊन काळात आपल्या फार्म हाऊसवरून गाण्यापासून पार प्रोडक्ट तयार करण्यापर्यंत सगळ्या गोष्टी केल्यानंतर अचानक 14 जूननंतर सलमान गप्प झाला. कारण त्याचं नाव अनेक गोष्टीत येऊ लागलं. एकिकडे सुशांतचा एम्सच्या डॉक्टरांनी दिलेला अहवाल आला. त्यात त्याने आत्महत्या केल्याचं निष्पन्न झालं तर दुसरीकडे सलमान खानही चित्रिकरणासाठी बाहेर पडला आहे.
View this post on Instagram
राधेच्या चित्रिकरणाला सुरुवात
जवळपास सहा महिने लॉकडाऊनमुळे थांबावं लागल्यानंतर अखेर 'राधे' या सलमानच्या बहुचर्चित चित्रपटाच्या चित्रिकरणाला सुरुवात झाली आहे. पहिल्या दिवशी सलमानने थेट काही हाणामारीची दृश्यं चित्रीत केली. त्यातला एक फोटोही सलमानने आपल्या सोशल मीडियावर टाकला होता.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
