Alibaba Aani Chalishitale Chor : 'अलीबाबा आणि 'चाळीशी'तले चोर' यांचा नेमका गुन्हा काय? उत्सुकता वाढवणारं पोस्टर आऊट
Alibaba Aani Chalishitale Chor : 'अलीबाबा आणि 'चाळीशी'तले चोर' हा सिनेमा लवकरच प्रेक्षकांच्या प्रेक्षकांच्या भेटीला येणार आहे.
Alibaba Aani Chalishitale Chor : 'अलीबाबा आणि 'चाळीशी'तले चोर' (Alibaba Aani Chalishitale Chor) हा सिनेमा लवकरच प्रेक्षकांच्या प्रेक्षकांच्या भेटीला येणार आहे. काही दिवसांपूर्वीच या सिनेमाची घोषणा करणयात आली होती. एकापेक्षा एक कलाकार असणाऱ्या या सिनेमाचं उत्सुकता वाढवणारं पोस्टर आता प्रेक्षकांच्या भेटीला आलं आहे.
'अलीबाबा आणि 'चाळीशी'तले चोर’ हा मल्टिस्टारर सिनेमा येत्या 29 मार्चला प्रेक्षकांच्या भेटीला येणार असून आता या सिनेमाचे पहिले पोस्टर समोर आले आहे. पोस्टरधील कलाकारांच्या चेहऱ्यावरील चित्रविचित्र, प्रश्नार्थक हावभाव पाहून काहीतरी गडबड असल्याचा अंदाज येतोय. त्यातच लिपस्टिकचे निशाण ही उत्सुकता अधिक वाढवतेय.
तगडी स्टारकास्ट असणारा 'अलीबाबा आणि 'चाळीशी'तले चोर’
आता यामागचे गुपित मात्र चित्रपट आल्यावरच उलगडणार आहे. यात मु्क्ता बर्वे, सुबोध भावे, श्रृती मराठे, उमेश कामत, आनंद इंगळे, मधुरा वेलणकर आणि आनंद इंगळे यांच्या प्रमुख भूमिका असून या सगळ्या मातब्बर कलाकारांना एकत्र पडद्यावर पाहाणे, म्हणजे प्रेक्षकांसाठी पर्वणीच ठरणार आहे.
आदित्य इंगळे दिग्दर्शित 'अलीबाबा आणि 'चाळीशी'तले चोर’ या सिनेमाचे लेखन विवेक बेळे यांनी केले आहे, तर नितीन प्रकाश वैद्य, वैशाली विराज लोंढे, निखिल वराडकर आणि संदीप देशपांडे हे चित्रपटाचे निर्माते आहेत.
View this post on Instagram
दिग्दर्शक आदित्य इंगळे म्हणतात,"अलीबाबा आणि 'चाळीशी'तले चोर' या चाळीशीतील चोरांनी केलेला गुन्हा जाणून घेण्याची अनेकांना उत्सुकता लागून राहिली असेल. मात्र या गुन्ह्याची उकल चित्रपट आल्यावरच होणार आहे. हा एक कौटुंबिक मनोरंजन करणारा चित्रपट आहे. यात विनोद, धमाल, गोंधळ आणि मजा आहे".
'अलीबाबा आणि 'चाळीशी'तले चोर' सिनेमाचे वैशिष्ट्य म्हणजे या सिनेमाच्या निमित्ताने मराठी इंडस्ट्रीतील अनेक मान्यवर कलाकार एकत्र येणार आहेत. त्यामुळे प्रेक्षकांसाठी हा सिनेमा म्हणजे मनोरंजनाचे एक कमाल पॅकेज असणार आहे. सिनेमाचे नावच प्रचंड उत्सुकता वाढवणारे आहे. विवाहित असण्याचा गुन्हा चित्रपटातील या चाळीशीतील चोरांनी केला आहे. त्यामुळे विवाहित असणे का गुन्हा आहे आणि हे नेमके काय प्रकरण आहे, याचे उत्तर आपल्याला चित्रपट पाहिल्यावरच मिळणार आहे. एकंदरच चित्रपटाच्या पहिल्या लूकवरून चोरांची ही टोळी दंगा करणार असल्याचा अंदाज वर्तवला जात आहे.
महत्त्वाच्या बातम्या
ट्रेंडिंग न्यूज
