Alia Ranbir Wedding : Just Married आलिया-रणबीरची पहिली झलक; 'माझा'च्या कॅमेऱ्यात कैद
Alia Ranbir Wedding : लग्नानंतर आलिया-रणबीरचे फोटो समोर आले आहेत.
Alia Ranbir Wedding : बॉलिवूड अभिनेता रणबीर कपूर (Ranbir Kapoor) आणि अभिनेत्री आलिया भट्टसाठी (Alia Bhatt) आजचा दिवस खास आहे. आज दोघेही लग्नाच्या बेडीत अडकले आहेत. बराच काळ रिलेशनशिपमध्ये राहिल्यानंतर आता दोघांनी आपलं नातं अधिकृत केलं आहे. वास्तू बंगल्यात दोघांनी सात फेरे घेतले आहेत. लग्नानंतर आलिया-रणबीरचे फोटो समोर आले आहेत. आलिया-रणबीर जोडी लग्नानंतर 'माझा'च्या कॅमेऱ्यात कैद झाले आहेत.
आलिया-रणबीरच्या लग्नसोहळ्यात अत्यंत जवळचे लोक उपस्थित होते. बॉलिवूडमध्ये सर्वाधिक चर्चेत असलेल्या जोड्यांपैकी एक जोडी म्हणून रणबीर कपूर आणि आलिया भट्टला ओळखले जातात.गेल्या काही दिवसांपासून रणबीर कपूर आणि आलिया भट्ट यांच्या लग्नाच्या चर्चांना उधाण आले होते. कोरोनामुळे त्यांचे लग्न पुढे ढकलण्यात आले होते. पण अखेर आज दोघेही लग्नबंधनात अडकले आहेत. रणबीर आलियाच्या लग्नसोहळ्यात अनेक बॉलिवूड सेलिब्रिटींनी हजेरी लावली होती.
लग्नानंतर आलिया-रणबीरने एका ग्रँड रिसेप्शनचे आयोजन केले आहे. या रिसेप्शनला बॉलिवूडचे अनेक सेलिब्रिटी हजेरी लावणार आहेत. 17 एप्रिल रोजी एका पंचतारांकित हॉटेलमध्ये हे रिसेप्शन होणार आहे. आलिया-रणबीरच्या लग्नसोहळ्यासाठी कडक सुरक्षा करण्यात आली होती. खास पोलिसांचा ताफा तैनात करण्यात आला होता.
आलिया-रणबीर बैसाखीच्या मुहूर्तावर पती-पत्नी झाले आहेत. पंजाबी रितीरिवाजांनुसार दोघेही लग्नबंधनात अडकले. सध्या आलिया आणि रणबीरला अनेक बॉलिवूड सेलिब्रिटींसह चाहते शुभेच्छा देत आहेत. आलिया आणि रणबीरचा 'ब्रम्हास्त्र' सिनेमा लवकरच प्रेक्षकांच्या भेटीला येणार आहे. लग्नानंतर लगेचच दोघेही आगामी सिनेमाच्या शूटिंगला सुरुवात करणार आहेत. तर हनिमूनला स्वित्झर्लंडला जाणार आहेत. आलिया भट्टने तिच्या लग्नात सब्यसाची मुखर्जीचा पोशाख परिधान केला होता.
आलिया-रणबीरच्या लग्नसोहळ्यात 'या' सेलिब्रिटींनी लावली हजेरी
नीतू कपूर, रिद्धिमा कपूर, शशी कपूर यांचा मुलगा कुणाल कपूर, करण कपूर, रिमा जैन, करीना कपूर, करिश्मा कपूर, सैफ अली खान, अर्मान कपूर, महेश भट्ट, मुकेश भट्ट, सोनी राजदान, अयान मुखर्जी, करण जोहर, आकांक्षा कपूर आणि अनुष्का कपूर या सेलिब्रटींनी आलिया-रणबीरच्या लग्नसोहळ्यात हजेरी लावली होती.
Alia Ranbir Wedding Video : Alia Bhatt आणि Ranbir Kapoor यांच्या लग्नाचा पहिला व्हिडीओ
संबंधित बातम्या
Alia Ranbir Wedding : आलिया-रणबीरचा शाही विवाहसोहळा पाहा ओटीटीवर; कोट्यवधींमध्ये विकले राइट्स
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP
महत्त्वाच्या बातम्या
