![ABP Premium](https://cdn.abplive.com/imagebank/Premium-ad-Icon.png)
Alia Ranbir Wedding : सात जन्माची ही साथ... आलिया-रणबीरचा विवाहसोहळा संपन्न
Alia Ranbir Wedding : अखेर आलिया-रणबीर लग्नबंधनात अडकले आहेत.
![Alia Ranbir Wedding : सात जन्माची ही साथ... आलिया-रणबीरचा विवाहसोहळा संपन्न Alia Bhatt Ranbir Kapoor wedding ceremony entertainment Bollywood marathi news Alia Ranbir Wedding : सात जन्माची ही साथ... आलिया-रणबीरचा विवाहसोहळा संपन्न](https://feeds.abplive.com/onecms/images/uploaded-images/2022/04/14/ee0f77db3c57247ebbc2e16ba67c7bad_original.jpeg?impolicy=abp_cdn&imwidth=1200&height=675)
Alia Ranbir Wedding : बॉलिवूड अभिनेता रणबीर कपूर (Ranbir Kapoor) आणि अभिनेत्री आलिया भट्टसाठी (Alia Bhatt) आजचा दिवस खास आहे. आज दोघेही लग्नाच्या बेडीत अडकले आहेत. बराच काळ रिलेशनशिपमध्ये राहिल्यानंतर आता दोघांनी आपलं नातं अधिकृत केलं आहे. वास्तू बंगल्यात दोघांनी सात फेरे घेतले आहेत.
आलिया-रणबीरच्या लग्नसोहळ्यात अत्यंत जवळचे लोक उपस्थित होते. बॉलिवूडमध्ये सर्वाधिक चर्चेत असलेल्या जोड्यांपैकी एक जोडी म्हणून रणबीर कपूर आणि आलिया भट्टला ओळखले जातात.गेल्या काही दिवसांपासून रणबीर कपूर आणि आलिया भट्ट यांच्या लग्नाच्या चर्चांना उधाण आले होते. कोरोनामुळे त्यांचे लग्न पुढे ढकलण्यात आले होते. पण अखेर आज दोघेही लग्नबंधनात अडकले आहेत. रणबीर आलियाच्या लग्नसोहळ्यात अनेक बॉलिवूड सेलिब्रिटींनी हजेरी लावली होती.
लग्नानंतर आलिया-रणबीरने एका ग्रँड रिसेप्शनचे आयोजन केले आहे. या रिसेप्शनला बॉलिवूडचे अनेक सेलिब्रिटी हजेरी लावणार आहेत. 17 एप्रिल रोजी एका पंचतारांकित हॉटेलमध्ये हे रिसेप्शन होणार आहे. आलिया-रणबीरच्या लग्नसोहळ्यासाठी कडक सुरक्षा करण्यात आली होती. खास पोलिसांचा ताफा तैनात करण्यात आला होता.
आलिया-रणबीर बैसाखीच्या मुहूर्तावर पती-पत्नी झाले आहेत. पंजाबी रितीरिवाजांनुसार दोघेही लग्नबंधनात अडकले. सध्या आलिया आणि रणबीरला अनेक बॉलिवूड सेलिब्रिटींसह चाहते शुभेच्छा देत आहेत. आलिया आणि रणबीरचा 'ब्रम्हास्त्र' सिनेमा लवकरच प्रेक्षकांच्या भेटीला येणार आहे. लग्नानंतर लगेचच दोघेही आगामी सिनेमाच्या शूटिंगला सुरुवात करणार आहेत. तर हनिमूनला स्वित्झर्लंडला जाणार आहेत. आलिया भट्टने तिच्या लग्नात सब्यसाची मुखर्जीचा पोशाख परिधान केला होता.
आलिया-रणबीरच्या लग्नसोहळ्यात 'या' सेलिब्रिटींनी लावली हजेरी
नीतू कपूर, रिद्धिमा कपूर, शशी कपूर यांचा मुलगा कुणाल कपूर, करण कपूर, रिमा जैन, करीना कपूर, करिश्मा कपूर, सैफ अली खान, अर्मान कपूर, महेश भट्ट, मुकेश भट्ट, सोनी राजदान, अयान मुखर्जी, करण जोहर, आकांक्षा कपूर आणि अनुष्का कपूर या सेलिब्रटींनी आलिया-रणबीरच्या लग्नसोहळ्यात हजेरी लावली होती.
संबंधित बातम्या
Alia Ranbir Wedding : नववधूच्या वेशात दुसऱ्यांदा आलियाची पाठवणी करणार सोनी राझदान! पहिल्या ‘विदाई’बद्दल माहितेय का?
Alia Ranbir Wedding : 'ऋषी कपूर यांची इच्छा पूर्ण होत आहे'; आलिया आणि रणबीर यांच्या लग्नावर राकेश रोशन यांची प्रतिक्रिया
Ranbir Kapoor : आलियाशी लग्नानंतर रणबीर कपूर सगळ्यात आधी करणार ‘हे’ काम! चाहत्यांना देणार सरप्राईज!
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)