(Source: ECI/ABP News/ABP Majha)
आलिया भट्टचा चित्रपट 'गंगूबाई काठियावाडी'चा टीझर रिलीज, सोशल मीडियावर धुमाकूळ
आलिया भट्टचा (Alia Bhatt) आगामी गंगूबाई काठियावाडी (Gangubai Kathiawadi) या चित्रपटाचा टीझर रिलीज झाला आहे. टीझर पाहिल्यानंतर चाहते सोशल मीडियावर अभिनेत्रीचे कौतुक करीत आहेत.
बॉलिवूडची गोंडस अभिनेत्री आलिया भट्ट सध्या तिच्या आगामी गंगूबाई काठियावाडी या चित्रपटाच्या लूकमुळे चर्चेत आहे. या चित्रपटाचे प्रसिद्ध दिग्दर्शक आणि निर्माते संजय लीला भन्साळी यांचा आज वाढदिवस आहे. या खास दिवसानिमित्त त्यांचा आगामी गंगूबाई काठियावाडी चित्रपटाचा टीझर रिलीज करण्यात आला आहे, जो आलिया भट्टने काही मिनिटांपूर्वी तिच्या इंस्टाग्रामवर शेअर केला होता. हा टीझर शेअर करताना तिनं लिहलंय, की ‘Happy Birthday Sir. I can think of no better way to celebrate you and your birthday. Presenting a part of my heart & soul. Meet Gangu.’
View this post on Instagram
यापूर्वी आलिया भट्टने तिच्या सोशल मीडिया अकाउंटवर तिच्या गंगूबाई काठियावाडी चित्रपटाचे एक नवीन पोस्टर प्रसिद्ध केले होते, ज्यात अभिनेत्रीचा अगदी नवीन आणि स्फोटक लूक दिसत आहे. पोस्टरमध्ये आलिया भट्ट पाय पसरून खुर्चीवर बसलेली दिसत आहे. तिच्या कपाळावर गोल टिकली, केसांची वेणी आणि डोक्यावर स्कार्फ असा तिचा साधा लुक खूपच सुंदर दिसत आहे. हे पोस्टर रिलीज करताना तिने कॅप्शनमध्ये लिहिले की, "हा चित्रपट यावर्षी 30 जुलै रोजी चित्रपटगृहात प्रदर्शित होईल."
View this post on Instagram
आलिया भट्टने संजय लीला भन्साळी यांच्या चित्रपटातून डेब्यू केला होता. गंगूबाई काठियावाडी हा चित्रपट प्रसिद्ध लेखक हुसेन जैदी यांच्या ‘माफिया क्वीन्स ऑफ मुंबई’ या पुस्तकावर आधारित सांगितला जात आहे. या चित्रपटाविषयी आलिया भट्टचे अनेक फोटो सोशल मीडियावर जोरदार व्हायरल होत आहेत.
महत्त्वाच्या बातम्या
ट्रेंडिंग न्यूज
