Akshay Kumar : अक्षय कुमारला वयाच्या 23 व्या वर्षी मिळालेलं पहिलं प्रेम; खिलाडीच्या पोस्टवर चाहते म्हणाले,"जुनं ते सोनं"

Akshay Kumar : अभिनेता अक्षय कुमारने सोशल मीडियावर जुन्या फोटोशूटचा एक फोटो शेअर केला आहे.

Akshay Kumar

Akshay Kumar : बॉलिवूडचा खिलाडी अर्थात अक्षय कुमारचा (Akshay Kumar) 'मिशन रानीगंज' (Mission Raniganj) हा सिनेमा नुकताच प्रेक्षकांच्या भेटीला आला. बॉक्स ऑफिसवर जादू दाखवण्यात मात्र हा सिनेमा कमी पडला. या सिनेमाला प्रेक्षकांचा संमिश्र प्रतिसाद मिळत आहे. अशातच खिलाडीने आता एक जुना फोटो सोशल मीडियावर शेअर केला आहे. अक्कीचा हा फोटो चाहत्यांच्या पसंतीस उतरला आहे. 

"कॅमेरा' माझं पहिलं प्रेम"; खिलाडी कुमारचा खुलासा 

अक्षयने आपला फोटो शेअर करत जुन्या आठवणींना उजाळा दिला आहे. फोटो शेअर करत त्याने खास पोस्ट लिहिली आहे. त्याने लिहिलं आहे,"आयुष्यात पहिल्यांदा केलेली कोणतीही गोष्ट नेहमीच खास असते. हा फोटोही माझ्यासाठी खूपच खास आहे. हा फोटो काढला तेव्हा कॅमेऱ्यासमोर उभं राहण्याची माझी पहिलीच वेळ होती. त्यावेळी मी 23 वर्षांचा होतो. मला काही कळण्याआधीच कॅमेरा माझं पहिलं प्रेम झालं होतं". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Akshay Kumar (@akshaykumar)

खिलाडीचे चाहते रमले जुन्या आठवणीत

खिलाडी कुमारचा फोटो पाहिल्यानंतर चाहते जुन्या आठवणीत रमले आहेत. जुनं ते सोनं, पुन्हा ते दिवस आले आहेत, मी तुमचा खूप मोठा चाहता आहे सर, अनेक अभिनेते येतात आणि जातात पण तुझ्यासारखा तुच आहेस, अशा कमेंट्स चाहत्यांनी केल्या आहेत. अक्षयच्या फोटो पाहून एका चाहत्याने तर लिहिलं आहे,"तुमचा सिनेमा पाहायला आम्ही शाळा-कॉलेजमधून बंक मारुन जायचो". 

अक्षयच्या आगामी प्रोजेक्टबद्दल जाणून घ्या... (Akshay Kumar Upcoming Movies)

अक्षय कुमारचा 'मिशन रानीगंज' हा सिनेमा 6 ऑक्टोबर 2023 रोजी प्रेक्षकांच्या भेटीला आला होता. या सिनेमाला प्रेक्षकांचा संमिश्र प्रतिसाद मिळाला. खिलाडी कुमार या सिनेमात बॉलिवूड अभिनेत्री परिणीती चोप्रासोबत स्क्रिन शेअर करताना दिसली. खिलाडी आता रोहित शेट्टीच्या (Rohit Shetty) 'सिंघम अगेन' (Singham Again) या सिनेमात झळकणार आहे. 'सिंघम अगेन' हा मल्टीस्टारर सिनेमा आहे. अक्षयसह या सिनेमात अजय देवगन, करीना कपूर खान, रणवीर सिंह, दीपिका पदुकोण आणि टायग श्रॉफ हे कलाकार महत्त्वाच्या भूमिकेत झळकणार आहेत. 

अक्षयने अनेक प्रोजेक्ट सध्या पाईपलाईनमध्ये आहेत. 'स्काय फोर्स' हा त्याचा सिनेमा प्रेक्षकांच्या भेटीसाठी सज्ज आहे. तसेच अभिनेत्याचे 'वेलकम टू द जंगल', 'बडे मिया छोटे मिया','हाऊसफुल्ल 5' आणि 'सिंघम अगेन' हे सिनेमे प्रेक्षकांच्या भेटीला येणार आहेत.  

संबंधित बातम्या