![ABP Premium](https://cdn.abplive.com/imagebank/Premium-ad-Icon.png)
OMG 2 मधील अक्षय कुमार आणि पंकज त्रिपाठी यांच्या लूकनं वेधलं लक्ष; चित्रपटाचा टीझर लवकरच होणार रिलीज
अक्षयनं (Akshay Kumar) 'ओएमजी 2'(OMG 2) या चित्रपटाचे दोन पोस्टर्स सोशल मीडियावर शेअर केले आहेत.
![OMG 2 मधील अक्षय कुमार आणि पंकज त्रिपाठी यांच्या लूकनं वेधलं लक्ष; चित्रपटाचा टीझर लवकरच होणार रिलीज Akshay Kumar share OMG 2 new poster the teaser to be out soon see pankaj tripathi look OMG 2 मधील अक्षय कुमार आणि पंकज त्रिपाठी यांच्या लूकनं वेधलं लक्ष; चित्रपटाचा टीझर लवकरच होणार रिलीज](https://feeds.abplive.com/onecms/images/uploaded-images/2023/07/03/9f97d1f5cc64bebda864214fc1a86ec61688373022648259_original.jpg?impolicy=abp_cdn&imwidth=1200&height=675)
OMG 2: अभिनेता अक्षय कुमारच्या (Akshay Kumar) 'ओएमजी 2'(OMG 2) या चित्रपटाची प्रेक्षक उत्सुकतेने वाट बघत आहेत. काही दिवसांपूर्वी अक्षयनं या चित्रपटाचं एक पोस्टर सोशल मीडियावर शेअर केलं होतं. आता अक्षयनं या चित्रपटाचे आणखी दोन पोस्टर्स सोशल मीडियावर शेअर केले आहेत. यामधील एका पोस्टरमध्ये अक्षय दिसत आहे तर एका पोस्टरमध्ये अभिनेते पंकज त्रिपाठी हे दिसत आहेत.
'ओएमजी 2' या चित्रपटाच्या पोस्टरमधील अक्षयच्या लूकनं नेटकऱ्यांचे लक्ष वेधले आहे. 'बस कुछ दिनों में…'असं कॅप्शन या पोस्टरला अक्षयनं दिलं आहे.
पंकज त्रिपाठी यांच्या OMG-2 या चित्रपटामधील लूकचा फोटो देखील अक्षयनं सोशल मीडियावर शेअर केला आहे. 'मिलते हैं सच्चाई की राह पर' असं कॅप्शन अक्षयनं पंकज त्रिपाठी यांच्या फोटोला दिलं आहे. पंकज त्रिपाठी हे ओएमजी-2 या चित्रपटात कांती शरण मुद्गल ही भूमिका साकारत आहेत.
View this post on Instagram
'ओएमजी 2' या चित्रपटाचा टीझर देखील लवकरच रिलीज होणार आहे, अशी माहिती अक्षयनं या चित्रपटाचं पोस्टर शेअर करुन नेटकऱ्यांना दिली आहे. आता प्रेक्षक 'ओएमजी 2' या चित्रपटाच्या टीझरची उत्सुकतेने वाट बघत आहेत.
View this post on Instagram
अभिनेत्री यामी गौतम देखील 'ओएमजी 2' या चित्रपटामध्ये प्रमुख भूमिका साकारणार आहे. हा चित्रपट 11 ऑगस्ट रोजी प्रेक्षकांच्या भेटीस येणार आहे. 'ओएमजी 2' आणि गदर-2 या चित्रपटांची बॉक्स ऑफिसवर टक्कर होणार आहे. सनी देओलचा गदर-2 हा चित्रपट देखील 11 ऑगस्ट रोजी रिलीज होणार आहे.
अक्षयचा काही दिवसांपूर्वी प्रदर्शित झालेला 'सेल्फी' (Selfiee) हा चित्रपट फ्लॉप ठरला. आता त्याच्या आगामी चित्रपटांची त्याचे चाहते उत्सुकतेने वाट बघत आहेत. आता ओह माय गॉड 2 या चित्रपटाला प्रेक्षकांची पसंती मिळेल की नाही? या प्रश्नाचं उत्तर लवकरच प्रेक्षकांना मिळेल.
इतर महत्त्वाच्या बातम्या:
OMG 2 Release Date: 'ओएमजी 2' ची रिलीज डेट जाहीर; अक्षय कुमारनं शेअर केलं पोस्टर, लूकनं वेधलं लक्ष
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)