OMG 2 Release Date: 'ओएमजी 2' ची रिलीज डेट जाहीर; अक्षय कुमारनं शेअर केलं पोस्टर, लूकनं वेधलं लक्ष
नुकतच अक्षयनं 'ओएमजी 2' (OMG 2) या चित्रपटाचं पोस्टर सोशल मीडियावर शेअर केलं आहे. या पोस्टरनं अनेकांचे लक्ष वेधले आहे.
OMG 2 Release Date: 2012 मध्ये रिलीज झालेला अभिनेता अक्षय कुमार (Akshay Kumar) आणि परेश रावल (Paresh Rawal) यांचा 'ओह माय गॉड' हा चित्रपट हिट ठरला. आता 11 वर्षांनंतर अक्षय कुमार हा 'ओएमजी 2'(OMG 2) या चित्रपटामधून प्रेक्षकांच्या भेटीस येत आहे. नुकतच अक्षयनं ओह माय गॉड 2 या चित्रपटाचं पोस्टर सोशल मीडियावर शेअर केलं आहे. या पोस्टरनं अनेकांचे लक्ष वेधले आहे.
'ओह माय गॉड 2' या चित्रपटाचं पोस्टर शेअर करुन अक्षयनं या चित्रपटाची रिलीज डेट (OMG 2 Release Date) जाहीर केली आहे. अक्षयनं 'ओह माय गॉड 2' चं पोस्टर इन्स्टाग्रामवर शेअर करुन त्याला कॅप्शन दिलं, 'आ रहे हैं हम, आइएगा आप भी, 11 ऑगस्टला चित्रपटगृहात.'
अक्षयच्या लूकनं वेधलं लक्ष
'ओह माय गॉड 2' च्या पोस्टरमध्ये अक्षय कुमार हा शंकराच्या लूकमध्ये दिसत आहे. भस्म, हातात डमरु आणि गळ्यात माळ अशा लूकमध्ये अक्षय दिसत आहे. अक्षयच्या या लूकनं नेटकऱ्यांचे लक्ष वेधले आहे. अक्षयनं शेअर केलेल्या 'ओह माय गॉड 2' च्या पोस्टरला कमेंट करुन अनेकांनी अक्षयच्या या लूकचं कौतुक केलं आहे.
पाहा पोस्टर:
View this post on Instagram
अश्विन वर्दे, वायाकॉम 18 आणि जिओ स्टुडिओ हे ओह माय गॉड 2 चे निर्माते आहेत. अक्षय कुमारने ऑक्टोबर 2021 मध्ये मध्य प्रदेश येथे या चित्रपटाच्या शूटिंगला सुरुवात केली होती. या चित्रपटात अभिनेत्री यामी गौतम देखील प्रमुख भूमिका साकारणार आहे.
अक्षयचा काही दिवसांपूर्वी प्रदर्शित झालेला 'सेल्फी' (Selfiee) हा चित्रपट फ्लॉप ठरला. आता त्याच्या आगामी चित्रपटांची त्याचे चाहते उत्सुकतेने वाट बघत आहेत. आता ओह माय गॉड 2 या चित्रपटाला प्रेक्षकांची पसंती मिळेल की नाही? या प्रश्नाचं उत्तर लवकरच प्रेक्षकांना मिळेल. अक्षयचा 'हेरा फेरीः 3' हा चित्रपट लवकरच प्रेक्षकांच्या भेटीस येणार आहे, असं म्हटलं जात आहे. तसेच 'वेडात मराठे वीर दौडले सात' (Vedant Marathe Veer Daudale Saat) या चित्रपटाच्या माध्यमातून देखील अक्षय प्रेक्षकांच्या भेटीला येणार आहे.
इतर महत्त्वाच्या बातम्या:
Sequel Movies Releasing In 2022 : OMG 2 ते Gadar 2; यावर्षी हे सिक्वेल करणार प्रेक्षकांचे मनोरंजन
महत्त्वाच्या बातम्या
