Cuttputlli : खिलाडी कुमारच्या 'कठपुतली'चा टीझर आऊट; डिज्नी प्लस हॉटस्टारवर होणार रिलीज

Cuttputlli : अक्षय कुमारच्या आगामी 'कठपुतली' सिनेमाचा टीझर प्रेक्षकांच्या भेटीला आला आहे.

Cuttputlli

Cuttputlli : बॉलिवूड अभिनेता अक्षय कुमारचा (Akshay Kumar) 'रक्षा बंधन' (Raksha Bandhan) हा सिनेमा नुकताच प्रेक्षकांच्या भेटीला आला आहे. पण हा सिनेमा बॉक्स ऑफिसवर जादू दाखवण्यात मात्र कमी पडला आहे. बॉक्स ऑफिसवर फ्लॉप होणारा येत्या वर्षातला हा तिसरा सिनेमा आहे. अशातच आज खिलाडी कुमारच्या आगामी 'कठपुतली' (Cuttputlli) सिनेमाचा टीझर आऊट झाला आहे. अक्षय कुमारचा हा सिनेमा सिनेमागृहात प्रदर्शित होणार नसून ओटीटी प्लॅटफॉर्मवर प्रदर्शित होणार आहे.

2 ऑक्टोबरला सिनेमा येणार प्रेक्षकांच्या भेटीला 

'कठपुतली' सिनेमात अक्षय कुमारसोबत रकुल प्रीत सिंहदेखील दिसून येणार आहे. अक्षय कुमारने सोशल मीडियावर या सिनेमाचा टीझर शेअर केला आहे. टीझर शेअर करत त्याने लिहिलं आहे,"हा खेळ युक्तीने खेळायचा आहे. या खेळात तुम्ही आणि मी कठपुतली आहोत". 20 ऑगस्टला या सिनेमाचा ट्रेलर रिलीज करण्यात येणार आहे. तर 2 ऑक्टोबरला हा सिनेमा ओटीटी प्लॅटफॉर्मवर प्रदर्शित होणार आहे. 

थरार नाट्य असणारा 'कठपुतली'

टीझरमध्ये अक्षय कुमारची झलक दाखवण्यात आली आहे. या सिनेमात अक्षय कुमार एका पोलिस अधिकाऱ्याच्या भूमिकेत दिसून येणार आहे. या सिनेमात प्रेक्षकांना थरार नाट्य पाहायला मिळणार आहे. रंतीत एम तिवारीने या सिनेमाच्या दिग्दर्शनाची धुरा सांभाळली आहे. तर जॅकी भगनानी आणि दिपशिखा देशमुख यांच्या बॅनरखाली पूजा एंटरटेनमेंटने या सिनेमाची निर्मिती केली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Disney+ Hotstar (@disneyplushotstar)

अक्षयचा 'रक्षा बंधन' हा सिनेमा सिनेमागृहात प्रदर्शित झाला असून बॉक्स ऑफिसवर हा सिनेमा जादू दाखवण्यात कमी पडला आहे. हा सिनेमा प्रेक्षकांच्या पसंतीस उतरण्यातदेखील कमी पडला आहे. अक्षय कुमारचा 'राम सेतु' सिनेमा लवकरच प्रेक्षकांच्या भेटीला येणार आहे. या सिनेमात खिलाडी कुमार जॅकलीन फर्नांडीज आणि नुसरत भरुचासोबत दिसून येणार आहे. हा सिनेमा 2022 मध्ये सिनेमागृहात रिलीज होणार आहे. तसेच सूर्याच्या 'सोरारई पोट्रु' या सिनेमाच्या हिंदी रीमेकमध्येदेखील अक्षय कुमार राधिका मदानसोबत दिसणार आहे. 

संबंधित बातम्या