Akshay Kumar : अक्षय कुमारच्या मेकअप आर्टिस्टवर बिबट्याचा हल्ला; रुग्णालयात दाखल

Akshay Kumar : अक्षय कुमारचा मेकअप आर्टिस्ट श्रवण विश्वकर्मावर बिबट्याने हल्ला केला आहे.

Akshay Kumar

Akshay Kumar Makeup Artist Attacked By Leopard : बॉलिवूड अभिनेता अक्षय कुमार (Akshay Kumar) सध्या त्याच्या आगामी 'बडे मियॉं छोटे मियॉं' (Bade Miyan Chote Miyan) या सिनेमाचं शूटिंग करत आहे. आता या सिनेमाच्या सेटवर खिलाडी कुमारचा मेकअप आर्टिस्ट श्रवण विश्वकर्मावर एका बिबट्याने हल्ला केला आहे. 

मेकअप आर्टिस्ट श्रवण विश्वकर्माला रुग्णालयात दाखल केलं असून सध्या त्याच्यावर उपचार सुरू आहेत. मीडिया रिपोर्टनुसार, श्रवण त्याच्या मित्राला मालिकेच्या सेटवर सोडण्यासाठी जात होता. दरम्यान त्याच्या बाईकची बिबट्याशी टक्कर झाली आणि श्रवण बेशुद्ध झाला. 'बडे मियॉं छोटे मियॉं' या सिनेमाची निर्मितीसंस्था श्रनणच्या उपचाराचा खर्च उचलत आहे. अली अब्बास जफर दिग्दर्शित 'बडे मियाँ छोटे मियाँ' या सिनेमात अक्षय कुमार (Akshay Kumar) आणि टायगर श्रॉफ (Tiger Shroff) मुख्य भूमिकेत आहेत.

#Leopard #ATTACK'in film City road in #Mumbai ...

Leopard attack Shravan Vishwakarma,who works as a make-up artist in the film industry.#forest@MumbaiPolice pic.twitter.com/2bKCckPGJP

— Indrajeet chaubey (@indrajeet8080) February 17, 2023

आज तकला दिलेल्या मुलाखतीत श्रवण विश्वकर्मा म्हणाला,"मी माझ्या मित्राला शूटिंगच्या लोकेशनवर घेऊन जात होतो. त्यावेळी रस्ता पार करताना समोरुन एक डुक्कर आलं. त्यावेळी त्या डुक्काराच्या मागे असलेला बिबट्या मला दिसला नाही आणि बाईक बिबट्याला धडकली. पुढचं मला काहीही आठवत नाही."

AICWA च्या अध्यक्षकांची सरकारकडे गंभीर पाऊले उचलण्याची मागणी

मीडिया रिपोर्टनुसार, एआयसीडब्ल्यूएचे (AICWA) अध्यक्ष सुरेश श्यामवाल गुप्ता यांनी सरकारला गंभीर पाऊले उचलण्याचं आवाहन केलं आहे. ते म्हणाले,"फिल्मसिटीमध्ये दररोज वेगवेगळ्या ठिकाणी वेगवेगळ्या प्रोजेक्टचं शूट होत असतं. त्यामुळे बिबट्यांपासून सुरक्षितता मिळवायला हवी. रात्रीच्या वेळी कलाकारांसह तंत्रज्ञांना अनेक अडचणींचा सामना करावा लागतो. रात्रीच्या वेळी या परिसरात दिवे नसल्याने अनेक अपघातदेखील होतात. 

'बडे मियॉं छोटे मियॉं' या सिनेमात प्रेक्षकांना थरार नाट्यासह अॅक्शनचा तडका पाहायला मिळणार आहे. सध्या या सिनेमाचं शूटिंग सुरू असून डिसेंबर 2023 मध्ये हा सिनेमा प्रेक्षकांच्या भेटीला येणार आहे. या बहुचर्चित सिनेमाची प्रेक्षकांना उत्सुकता आहे. या सिनेमात विश्वसुंदरी मानुषी छिल्लरदेखील (Manushi Chhillar) दिसणार असल्याचं समोर आलं आहे. हिंदी सिनेसृष्टीतील हा सर्वात मोठा अॅक्शनपट असणार आहे. 

संबंधित बातम्या