Rinku Rajguru: ‘झिम्मा 2’ नंतर रिंकू राजगुरुचा 'हा' चित्रपट येणार प्रेक्षकांच्या भेटीला; अभिनेत्री फोटो शेअर करत म्हणाली, "माझ्या हृदयाच्या खूप जवळ असणारा सिनेमा "
Rinku Rajguru: झिम्मा-2 या चित्रपटानंतर रिंकू ही आणखी एका चित्रपटामधून प्रेक्षकांच्या भेटीस येणार आहे. या चित्रपटामधील लूकचा फोटो शेअर करुन रिंकूनं या चित्रपटाचं नाव चाहत्यांना सांगितलं आहे.
Rinku Rajguru: अभिनेत्री रिंकू राजगुरू (Rinku Rajguru) ही सध्या तिच्या ‘झिम्मा 2’ या चित्रपटामुळे चर्चेत आहे. 'झिम्मा-2' हा चित्रपट 24 नोव्हेंबर रोजी रिलीज होणार आहे. रिंकूच्या या आगामी चित्रपटाची प्रेक्षक उत्सुकतेने वाट बघत आहेत. झिम्मा-2 या चित्रपटानंतर रिंकू ही आणखी एका चित्रपटामधून प्रेक्षकांच्या भेटीस येणार आहे. या चित्रपटामधील लूकचा फोटो शेअर करुन रिंकूनं या चित्रपटाचं नाव चाहत्यांना सांगितलं आहे.
रिंकूची पोस्ट
रिंकू ही आशा या आगामी चित्रपटामधून प्रेक्षकांच्या भेटीस येणार आहे. या चित्रपटामधील लूकचा फोटो रिंकूनं सोशल मीडियावर शेअर केला आहे. या फोटोमध्ये रिंकू ही हिरवी साडी,गळ्यात मंगळसूत्र आणि चेहऱ्यावर स्माईल अशा लूकमध्ये दिसत आहे. या फोटोला रिंकूनं कॅप्शन दिलं, "आशा हा चित्रपट माझ्या हृदयाच्या खूप जवळ आहे. आमच्या अतिशय खास प्रोजेक्टचं पूर्ण झाला आहे. लवकरच भेटू!" रिंकूनं शेअर केलेल्या या फोटोनं अनेकांचे लक्ष वेधले आहे. रिंकूनं शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे. आता रिंकूच्या आशा या चित्रपटाची प्रेक्षक उत्सुकतेने वाट बघत आहेत.
View this post on Instagram
रिंकूचा झिम्मा-2 हा चित्रपट प्रेक्षकांच्या भेटीस येणार आहे. या चित्रपटात रिंकूसोबतच अभिनेत्री सुहास जोशी, निर्मिती सावंत,क्षिती जोग,सुचित्रा बांदेकर,सयाली संजीव आणि शिवानी सुर्वे हे कलाकार देखील प्रमुख भूमिका साकारणार आहेत.'झिम्मा-2' हा चित्रपट 24 नोव्हेंबर रोजी थिएटरमध्ये रिलीज होणार आहे.
View this post on Instagram
2016 मध्ये रिलीज झालेल्या ‘सैराट’ या चित्रपटातून रिंकू राजगुरूने अभिनय क्षेत्रात पदार्पण केलं. या चित्रपटातील रिंकूच्या अभिनयानं अनेकांचे मन जिंकले. या चित्रपटामुळे रिंकू ही ‘आर्ची’ या नावानं ओळखली जाऊ लागली. ‘सैराट’ या चित्रपटानंतर रिंकूने ‘मेकअप’, ‘कागर’ अशा मराठी चित्रपटांमध्ये काम केलं. याशिवाय ती नुकतीच ‘झुंड’ या हिंदी चित्रपटात झळकली होती.
इतर महत्वाच्या बातम्या:
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
