27 वर्षांनी मोठ्या मुख्यमंत्र्यांच्या प्रेमात आकंठ बुडाली, वडिलांचा विरोध झुगारुन साताजन्माची गाठ बांधली, आज 'ही' अभिनेत्री 124 कोटींची मालकीण
Actress and CM Love Story : राधिका कुमारस्वामी म्हणजे, कन्नड चित्रपटसृष्टीतील प्रसिद्ध नाव. तसं पाहायला गेलं तर राधिका तिच्या चित्रपटांपेक्षा जास्त माजी मुख्यमंत्र्यांसोबतच्या अफेअरच्या चर्चांमुळे जास्त गाजली.
Radhika and Ex CM Kumaraswamy Uncommon Love Story : सध्याचे माजी मुख्यमंत्री आणि तेव्हाचे तत्कालीन मुख्यमंत्र्यांसोबतच्या प्रेमप्रकरणानं प्रसिद्ध अभिनेत्रीनं संपूर्ण सिनेसृष्टी हादरवली होती. कर्नाटकचे माजी मुख्यमंत्री एचडी कुमारस्वामी (Former Chief Minister of Karnataka HD Kumaraswamy) आणि अभिनेत्री राधिका यांचं प्रेमाचं सूत जुळलं आणि सर्वांना आश्चर्याचा धक्का बसला. संपूर्ण राज्यासह देशात एचडी कुमारस्वामी आणि राधिका दोघांच्याच चर्चा रंगल्या होत्या. पण, शेवटी म्हणतात ना, प्रेमापुढे काहीही नसतं... दोघेही एकमेकांच्या प्रेमात एवढे आकंठ बुडाले होते की, दोघांनी कुणाचीच पर्वा न करता एकमेकांसोबत साताजन्माची गाठ बांधण्याचं ठरवलं. 36 वर्षीय अभिनेत्रीनं स्वतःच्या कुटुंबाच्या विरोधात जाऊन विवाहित राजकारणी आणि तत्कालीन मुख्यमंत्र्यांसोबत लग्न केलं. आश्चर्याची बाब म्हणजे, ज्यावेळी दोघंचं लग्न झालं, त्यावेळी राधिका 27 वर्षांनी लहान होती. सध्या राधिका कोट्यवधींची मालकीण आहे.
राधिका (Actress Radhika) कुमारस्वामी म्हणजे, कन्नड चित्रपटसृष्टीतील प्रसिद्ध नाव. तसं पाहायला गेलं तर राधिका तिच्या चित्रपटांपेक्षा जास्त माजी मुख्यमंत्र्यांसोबतच्या अफेअरच्या चर्चांमुळे जास्त गाजली. 2006 मध्ये राधिकानं कर्नाटकचे राजकारणी एचडी कुमारस्वामी (HD Kumaraswamy) यांच्याची लग्न करण्याचा निर्णय घेतला आणि कर्नाटकसह संपूर्ण देशभरात खळबळ माजली.
मुख्यमंत्र्यांसोबत जुळलं प्रसिद्ध अभिनेत्रीचं सूत...
प्रसिद्ध अभिनेत्री आणि तेदेखील 27 वर्षांनी लहान, माजी मुख्यमंत्र्यांच्या लव्ह अफेअरमुळे कर्नाटकच्या राजकारणात वादळ आलं होतं. राधिकाचं संपूर्ण करिअर उध्वस्त झालं खरं, पण तिचं वैवाहिक जीवन आनंदानं भरलं. जेडीएसचे नेते आणि माजी मुख्यमंत्री ए.डी.कुमारस्वामी यांच्या राजकारणापेक्षा त्यांच्या वैयक्तिक आयुष्यात लोकांना जास्त रस वाटू लागला.
ज्यावेळी दोघांनी लग्नगाठ बांधली, त्यावेळी राधिका एचडी कुमारस्वामी यांच्यापेक्षा 27 वर्षांनी लहान होती. मीडिया रिपोर्ट्सनुसार, दोघांचं दुसरं लग्न होतं. एचडी कुमारस्वामी यांचं पहिलं लग्न अनिता यांच्यासोबत 1986 मध्ये झालं होतं. तर, राधिकाचं पहिलं लह्न 2000 मध्ये झालं होतं. पण, राधिकाचं लग्न फार काळ टिकलं नाही आणि ती आपल्या पतीपासून विभक्त झाली.
तत्कालीन मुख्यमंत्र्यांसोबत अफेअर, वडिलांचा कडाडून विरोध
एचडी कुमारस्वामी यांच्यासोबतच्या अफेअरबाबत राधिकाच्या वडिलांना कळालं, त्यावेळी वडिलांनी विरोध केला. पण, एचडी कुमारस्वामी यांच्या प्रेमात आकंठ बुडालेल्या राधिकानं वडिलांचा विरोध झुगारुन एचडी कुमारस्वामी यांच्याशी गुपचूप लग्न केलं. राधिकानं उचललेल्या या पावलामुळे तिच्या वडिलांसोबतच कुटुंबाला मोठा धक्का बसला. पण त्यासोबतच कर्नाटकमध्ये मोठी खळबळ उडाली होती.
साऊथ इंडस्ट्रीमध्ये प्रसिद्ध असलेल्या राधिकानं जवळपास 30 चित्रपटांमध्ये काम केलं होतं. मात्र, थेट तत्कालीन मुख्यमंत्र्यांसोबतच्या लव्ह अफेअरनंतर तिचं करिअर उध्वस्त झालं. राधिकानं वयाच्या 14 व्या वर्षी 'नीनागी' चित्रपटातून आपल्या अभिनय कारकिर्दीला सुरुवात केलेली. त्यावेळी ती नववीत शिकत होती. 2002 मध्ये आलेल्या 'नीला मेघा शमा' या चित्रपटानं राधिकाला ओळख मिळवून दिली.
आज राधिका चित्रपट निर्माती म्हणून प्रसिद्ध आहे. कर्नाटकच्या माजी मुख्यमंत्र्यांशी लग्न करून ती कोट्यवधींची मालकीण झाली आहे. मीडिया रिपोर्ट्सनुसार, राधिका यांच्याकडे 124 कोटी रुपयांची संपत्ती आहे, तर त्यांचे पती एचडी कुमारस्वामी यांची संपत्ती 44 कोटी रुपये आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
