Bigg Boss Actors Engagement Roumers: गौरव मोरेनंतर 'बिग बॉस'फेम जोडीचा साखरपुडा? अंगठीचा फोटो पाहताच चाहत्यांच्या भुवया उंचावल्या

त्यांच्या वैयक्तिक आयुष्यातील एका फोटोमुळे सोशल मीडियावर खळबळ उडाली आहे.

Bigg Boss Actors Engagement Roumers

Source : ABPLIVE AI

Entertainment News: मनोरंजनविश्वात कायम कोणाच्या ना कोणाच्या लग्नाची, प्रपोजलची, साखरपुड्याची चर्चा रंगलेली असते. अलीकडेच 'महाराष्ट्राची हास्यजत्रा'फेम गौरव मोरेच्या सरप्राईज लग्नाची चर्चा रंगलेली असताना आता 'बिग बॉस 18' मधून (Bigg Boss 18) घराघरात लोकप्रीय झालेल्या एका जोडीच्या साखरपुड्याच्या चर्चा रंगल्या आहेत. या चर्चा रंगण्याचं कारण म्हणजे अभिनेत्री इशा सिंगने (Esha Singh) शेअर केलेला फोटो. या फोटोमुळे अभिनेत्री ईशा सिंग आणि अविनाश मिश्रा (Avinash Mishra) यांनी गुपचूप साखरपुडा केल्याच्या चर्चा रंगल्या आहेत.

ईशा अविनाशने खरंच केला साखरपुडा?

'बिग बॉस 18' (Bigg Boss 18) या रिॲलिटी शोमुळे चर्चेत आलेले ईशा सिंग आणि अविनाश मिश्रा पुन्हा एकदा चर्चेत आहेत. यावेळी त्यांच्या वैयक्तिक आयुष्यातील एका फोटोमुळे सोशल मीडियावर खळबळ उडाली आहे. यापूर्वीही त्यांच्या नात्याबद्दल बरीच चर्चा झाली होती, पण आता नव्याने समोर आलेल्या एका फोटोमुळे त्यांच्या साखरपुड्याच्या अफवांना पुन्हा एकदा जोर आला आहे.मात्र, अद्याप त्या दोघांपैकी कोणाकडूनही अधिकृत दुजोरा देण्यात आलेला नाही.

खरं तर, ईशा सिंग आणि अविनाश मिश्रा यांनी आपापल्या इंस्टाग्राम स्टोरीवर एक फोटो शेअर केला आहे, ज्यामध्ये ते एकमेकांचा हात धरून दिसत आहेत. या फोटोमध्ये त्यांच्या हातात अंगठ्या दिसत असल्याने, चाहत्यांनी त्यांचा साखरपुडा झाल्याचा अंदाज लावला आहे.हा फोटो सोशल मीडियावर वेगाने व्हायरल होत असून,नेटकरी  त्यावर  प्रतिक्रिया देत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

 

 अफेअरच्या सर्व अफवा फेटाळून लावलेल्या

ईशा सिंग आणि अविनाश मिश्रा यांची पहिली भेट बिग बॉस 18 च्या घरात झाली होती. शो दरम्यान त्यांची केमिस्ट्री प्रेक्षकांना खूप आवडली होती. त्यामुळेच शो संपल्यानंतरही त्यांच्या नात्याबद्दलच्या चर्चा सुरूच होत्या.मात्र, ईशा सिंगने एका मुलाखतीत या सर्व अफेअरच्या अफवा फेटाळून लावल्या होत्या आणि अविनाशला आपला केवळ एक चांगला मित्र म्हटले होते.

‘बिग बॉस 18’मध्ये अविनाश तिसरा रनर-अप ठरला होता, तर ईशा सहाव्या क्रमांकावर होती. शो संपल्यानंतरही दोघांमधील मैत्री तशीच टिकून आहे. म्युझिक व्हिडिओ आणि ट्रॅव्हल फोटोंच्या माध्यमातून त्यांनी चाहत्यांशी सातत्याने कनेक्ट ठेवला आहे. ‘नागिन 7’सारख्या मालिकेत ईशा झळकली होती. दरम्यान, सध्या चर्चेत असलेली ही अंगठी खरंच त्यांच्या नात्यातील पुढच्या टप्प्याची चाहूल आहे की एखाद्या नव्या प्रोजेक्टचा भाग आहे, याबाबत उत्सुकता वाढली आहे.