Man Udu Udu Zala : आकाशाला गवसणी घालत इंद्रा करणार प्रपोज, मिळणार का दिपूचा होकार?

Indra Propose Dipu : 'इंद्रा स्टाईल'मध्ये इंद्रा जेव्हा गोष्टी करतो, तेव्हा त्या खूप ग्रँड असतात. त्यामुळे इंद्रा जेव्हा दिपूला प्रपोज करेल तो क्षण किती ग्रँड असेल, याची प्रेक्षकांनी कल्पनासुद्धा केली नसेल.

Indra_Dipu_Propose

Man Udu Udu Zala : झी मराठीवरील ‘मन उडू उडू झालं’ (Man Udu Udu Zala) या मालिकेने प्रेक्षकांची मनं जिंकली आहेत. ही मालिका अल्पावधीतच प्रेक्षकांची आवडती बनली असून, त्यातील व्यक्तिरेखा देखील प्रेक्षकांना आपल्याशा वाटत आहेत. मालिकेचं कथानक आणि इंद्रा-दिपूची जोडी याला प्रेक्षकांनी पसंती दर्शवली आहे.

नुकतंच प्रेक्षकांनी मालिकेत पाहिलं की, सानिका आणि कार्तिकच्या नात्याला देशपांडे सरांचा विरोध असल्यामुळे, ते सानिकाचं एका चांगल्या मुलासोबत लग्न लावून द्यायचं ठरवतात आणि तिच्यासाठी इंद्रजित साळगावकरच स्थळ सुचवतात. एकीकडे इंद्रा दिपूचा होकार मिळवण्यासाठी झुरतोय, तर दुसरीकडे दिपू त्याला देशपांडे सरांचं ऐकून सानिकाशी लग्न करायला भाग पाडतेय.

पण इंद्रा हार मानणाऱ्यातला नाही. त्यामुळे त्याने दिपूचा होकार मिळवण्याचं मनाशी पक्क केलं आहे. 'इंद्रा स्टाईल'मध्ये इंद्रा जेव्हा गोष्टी करतो, तेव्हा त्या खूप ग्रँड असतात. त्यामुळे इंद्रा जेव्हा दिपूला प्रपोज करेल तो क्षण किती ग्रँड असेल, याची प्रेक्षकांनी कल्पनासुद्धा केली नसेल. इंद्रा दिपूला चक्क आकाशाला गवसणी घालत प्रपोज करणार आहे. इंद्रा दिपूला हॉट एअर बलूनमध्ये प्रपोज करणार आहे.

पाहा व्हिडीओ :

प्रेमाचा हा खास प्रसंग चित्रित करताना इंद्रा आणि दिपूने आकाशाला गवसणी घालत 150 फुटांवर चित्रीकरण केलं. आजपर्यंत कुठल्याच मालिकेत इतका ग्रँड सिन झाला नाहीये, जो आता प्रेक्षकांना ‘मन उडू उडू झालं’ या मालिकेत अनुभवता येणार आहे. इंद्राने इतक्या अनोख्या पद्धतीने प्रपोज केल्यावर दिपू त्याला होकार देईल का? दिपू इंद्राच्या प्रेमाचा स्वीकार करून त्याची साथ देईल का? हे प्रेक्षकांना पुढील आठवड्यात पाहायला मिळणार आहे.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha