वयाच्या अवघ्या दुसऱ्या वर्षी अल्लू अर्जुन आला चित्रपटात, 'या' चित्रपटाने दिली खरी ओळख

अल्लू अर्जुन वयाच्या अवघ्या दुसऱ्या वर्षी पहिल्यांदा पडद्यावर दिसला. 1985 मध्ये रिलीज झालेल्या विनर या चित्रपटात तो दिसला होता.

pushpa star allu arjun 

Allu Arjun : पुष्पा चित्रपटातून  (पुष्पा-द राइज) देश आणि जगातील करोडो प्रेक्षकांच्या मनावर राज्य करणारा तेलुगू अभिनेता अल्लू अर्जुन उत्कृष्ट अभिनयासाठी आणि उत्कृष्ट नृत्यासाठी ओळखला जातो. त्याच्या खास शैलीमुळे त्याला स्टायलिश स्टार म्हटले जाते. परंतु, यासह त्याच्याबद्दल काही रंजक गोष्टी आहेत. ज्या फक्त त्याच्या ठराविक चाहत्यांनाच माहित आहेत.  

वयाच्या दुसऱ्या वर्षी पहिल्यांदा पडद्यावर

अल्लू अर्जुन वयाच्या अवघ्या दुसऱ्या वर्षी पहिल्यांदा पडद्यावर दिसला. 1985 मध्ये रिलीज झालेल्या विनर या चित्रपटात तो दिसला होता. त्याच वेळी त्याने 2001 मध्ये डॅडी चित्रपटात कॅमिओ केला आणि त्यानंतर 2003 मध्ये गंगोत्री चित्रपटात पदार्पण केले.

उत्तम डान्सर आणि उत्तम गायक
अल्लू अर्जून अभिनेता आहे हे अनेकांना माहित आहे परंतु, तो एक उत्तम डान्सर आणि एक उत्तम गायक देखील आहे. 2016 मध्ये रिलीज झालेल्या तेलुगू चित्रपट सरैनोडूसाठीही त्याने एक गाणे गायले होते. अल्लू अर्जुन, रकुल प्रीत, कॅथरीन ट्रेसा सररेनोडूमध्ये मुख्य भूमिकेत होते.

7 कोटींच्या लक्झरी व्हॅनिटी व्हॅनचा मालक
2019 मध्ये अल्लू अर्जुनने FALCON नावाची सुपर लक्झरी व्हॅनिटी व्हॅन खरेदी केली. या लक्झरीचा आतील भाग एखाद्या राजवाड्यासारखा असून तिची किंमत तब्बल 7 कोटी रूपये आहे.

अल्लू अर्जुनला व्यक्तिमत्व विकासाची पुस्तके वाचायला आवडतात हे फार कमी लोकांना माहीत असेल. त्याचे आवडते पुस्तक आहे “हू मूव्ह्ड माय चीज? डॉ. स्पेन्सर जॉन्सन द्वारे.

अल्लू अर्जुनला मिळाली खरी ओखळ

अल्लू अर्जुनच्या करिअरला 'आर्य' चित्रपटातून ओळख मिळाली हे सर्वांनाच माहीत आहे. पण अल्लू अर्जुन 'आर्य'साठी दिग्दर्शकाची पहिली पसंती नव्हता हे कोणालाच माहित नाही. दिग्दर्शकाला रवी तेजा, नितीन किंवा प्रभास यांना या चित्रपटासाठी साइन करायचे होते परंतु, तारखांच्या कमतरतेमुळे कोणीही होकार दिला नाही आणि अल्लू अर्जुनला चित्रपट मिळाला. याच आर्यने अर्जुनला खरी ओखळ दिली. 

महत्वाच्या बातम्या