Pushpa : The Rise : अनेक आव्हानं, कठिण अडचणी; अल्लू अर्जुनच्या ब्लॉकबस्टर 'पुष्पा'ची पडद्यामागील गोष्ट

'पुष्पा: द राइज' (Pushpa : The Rise) या चित्रपटानं बॉक्स ऑफिसवर धुमाकूळ घातला.

Written By : abp majha web team | Edited By: प्रियांका कुलकर्णी | Updated at : 01 Feb 2022 07:01 AM (IST)

Pushpa : The Rise

Pushpa Movie Behind The Scenes : प्रसिद्ध स्टार अल्लू अर्जुनच्या (Allu Arjun) 'पुष्पा: द राइज' (Pushpa : The Rise) या चित्रपटानं बॉक्स ऑफिसवर धुमाकूळ घातला. हा चित्रपट अॅमेझॉन प्राइम व्हिडिओवर 14 जानेवारी रोजी हिंदी भाषेत प्रदर्शित झाला आहे. तर 7 जानेवारी रोजी हा सिनेमा तेलुग, तमिळ, मल्याळम आणि कन्नड भाषेत प्रदर्शित झाला आहे. 2022 मध्ये या चित्रपटाचा दुसरा पार्ट प्रदर्शित होणार आहे, असं म्हटलं जातंय. अल्लू अर्जुन आणि रश्मिका मंदाना यांच्यासोबतच फहाद फासिलने देखील 'पुष्पा' या चित्रपटात प्रमुख भूमिका साकारली आहे. पण पुष्पा चित्रपटाच्या शूटिंग दरम्यान कोणते किस्से घडले. तसेच या चित्रपटाचे सिन्स कसे शूट झाले. या गोष्टींबद्दल अनेकांना माहित नसेल. जाणून घेऊयात पुष्पा चित्रपटाचे 'बिहाईंड द सिन्स'

जंगलात रस्ता तयार केला
पुष्पा चित्रपटाचे कथानक हे चंदनावर आधारित आहे. त्यामुळे चंदनाच्या तस्करीचा सिन शूट करण्यासाठी जंगलामध्ये गाड्या आणाव्या लागत होत्या. या गाड्या आणण्यासाठी रस्ता नव्हता त्यामुळे पुष्पा चित्रपटाच्या शूटिंगसाठी जंगलामध्ये रस्ता तयार करावा लागला.

चंदनामुळे आले होते पोलीस
पुष्पा चित्रपटातील काही सिन्सचं शूटिंग हे केरळमधील जंगलामध्ये देखील झाले होते. चित्रपटात काही चंदन तस्करीचे सिन्स आहेत. शूटिंगसाठी खोटे चंदनाचा वापर करण्यात आला होता. पण एकदा जेव्हा चित्रपटाची टीम शूटिंग करून परत येत होती तेव्हा पोलिसांनी टीमची गाडी थांबवली होती. ते चंदन त्यांना खरे वाटले होते.

पुष्पा चित्रपटाचे शूटिंग आंध्र प्रदेशमधील मारेदुमिली या जंगलामध्ये झाले, शूटिंग दरम्यान चित्रपटाची संपूर्ण टीम जंगलामध्ये जात होती. टीमला जाण्यासाठी 300 गाड्या लागत होत्या.