Alia Bhatt PA Arrested: आलिया भट्टची 77 लाखांची फसवणूक; पर्सनल असिस्टंटला अटक, काय घडलं?
Alia Bhatt PA Arrested: आलिया भट्टची पर्सनल असिस्टंट वेदिका शेट्टीला तब्बल 77 लाखांची फसवणूक केल्याप्रकरणी अटक करण्यात आली आहे.
Alia Bhatt PA Arrested: बॉलिवूड अभिनेत्री (Bollywood Actress) आलिया भट्टला (Alia Bhatt) गंडा घालणाऱ्या तिच्या पर्सनल असिस्टंटला (Alia Bhatt Personal Assistant) अटक करण्यात आली आहे. फेरफार करुन आलिया भट्टला तब्बल 77 लाखांचा गंडा घातला. अटक करण्यात आलेली वेदिका प्रकाश शेट्टी ही काही दिवसांपूर्वी आलियाची पर्सनल असिस्टंट म्हणून काम पाहत होती. तिनं आलियाच्या प्रॉडक्शन हाऊस आणि वैयक्तिक खात्यांमधून तब्बल 77 लाखांची फसवणूक केल्याचा आरोप आहे. दरम्यान, जुहू पोलिसांनी याप्रकरणी आलियावर गुन्हा दाखल केला असून याप्रकरणाचा तपास सुरू आहे. अद्याप आलिया भट्ट आणि तिच्या टीमकडून कोणतंही अधिकृत स्पष्टीकरण समोर आलेलं नाही.
आलिया भट्टला पर्सनल असिस्टंटकडून 77 लाखांचा गंडा
वेदिका शेट्टीला आलिया भट्टच्या प्रॉडक्शन हाऊस Eternal Sunshine Productions Pvt Ltd आणि आलियाच्या वैयक्तिक खात्यातून पैसे काढल्याबद्दल अटक करण्यात आलेली. मीडिया रिपोर्ट्सनुसार, वेदिकाला या दोन्ही खात्यांमधून बेकायदेशीरपणे 77 लाखांहून अधिक रक्कम मिळाली. दरम्यान, या प्रकरणात तपास सुरू आहे आणि अधिकाऱ्यांचं म्हणणं आहे की, याप्रकरणी आणखी खुलासे होण्याची शक्यता आहे.
पोलिसांनी दिलेल्या माहितीनुसार, वेदिका शेट्टीनं आपल्या पदाचा आणि कामाचा गैरफायदा घेऊन फसवणूक केली. आलियाच्या खात्यातून आणि कंपनीच्या पैशातून अनेक खोटी बिलं बनवली. खोटी बिलं तयार करुन तिनं रक्कम काढली. काही महिन्यांपासून ही रक्कम हळूहळू काढली जात होती. वेदिकाकडून होत असलेल्या व्यवहारांवर कंपनी आणि आलियाची टीम लक्ष ठेवून होती. अखेर त्यांनी तिची चौकशी करुन हा गैरव्यवहार उघडकीस आणला.
आलियाच्या खोट्या सह्या घेतल्याचाही आरोप
आलियाची आई सोनी राजदान यांच्या तक्रारीवरून पोलिसांनी काही महिन्यांपूर्वी हा गुन्हा दाखल केला होता. सुमारे 5 महिन्यांनंतर आरोपीला बंगळुरू येथून अटक करून न्यायालयात हजर करण्यात आलं. वेदिकावर आलियाची बनावट सही करून दोन वर्षांत 77 लाख रुपयांची फसवणूक केल्याचा आरोप आहे.
महत्त्वाच्या इतर बातम्या :
महत्त्वाच्या बातम्या
