पोरीने आताच संसार उभा केलेला, देव असं का करतो? प्रिया मराठेच्या निधनाची बातमी कळताच उषा नाडकर्णींनी हंबरडा फोडला
Actress Priya Marathe death Usha Nadkarni cry : पोरीने आताच संसार उभा केलेला, देव असं का करतो? प्रिया मराठेच्या निधनाची बातमी कळताच उषा नाडकर्णींनी हंबरडा फोडला
Actress Priya Marathe death Usha Nadkarni cry : मराठी मनोरंजन विश्वातून धक्कादायक बातमी समोर आलीये. लोकप्रिय अभिनेत्री प्रिया मराठे हिचं कर्करोगाशी झुंज देत असताना वयाच्या केवळ 38 व्या वर्षी निधन झालं. गेल्या काही महिन्यांपासून प्रिया उपचार घेत होती. मात्र प्रकृतीत सुधारणा न झाल्याने अखेर तिनं आज अखेरचा श्वास घेतला. तिच्या जाण्यानं संपूर्ण कलाविश्वात शोककळा पसरली आहे. प्रिया मराठेने ‘या सुखांनो या’, ‘चार दिवस सासूचे’, ‘तू तिथं मी’, ‘ऑलमोस्ट सुफळ संपूर्ण’, ‘येऊ कशी कशी मी नांदायला’ यांसारख्या गाजलेल्या मालिकांमध्ये दमदार भूमिका साकारल्या होत्या. छोट्या पडद्यावरील तिचं योगदान प्रेक्षकांच्या कायम स्मरणात राहील. अचानक झालेल्या या निधनामुळे मराठी मनोरंजन क्षेत्रावर शोककळा पसरली असून अनेक कलाकरांनी भावना व्यक्त केल्या आहेत.
उषा नाडकर्णी काय काय म्हणाल्या?
प्रिया मराठेच्या निधनाची बातमी समजताच ज्येष्ठ अभिनेत्री उषा नाडकर्णी यांनी हंबरडा फोडलाय. उषा नाडकर्णी म्हणाल्या, मला खरंच फार वाईट वाटलं. मी अंकिताला भेटले तेव्हा आम्ही ठरवलं होतं की, तिला भेटायला जायचं. पण अंकिता मला म्हणाली, शंतनू म्हणतो येऊ नका. तिला भेटायची परिस्थिती नाही. म्हणजे त्यावेळी केस वगैरे गळत असतील. तरी देखील मी म्हटलं होतं. आपण तरीही तिला भेटायला जाऊया. पण वाटलं नव्हतं. ती इतक्या लवकर आमच्यातून जाईल. असं व्हायला नको होतं. देव का असं करतो, मला काही कळत नाही. त्या पोरीने आताच संसार उभा केला होता. देव तिच्या आत्म्याला शांती देवो.. तिचं जायचं वय नव्हतं.
दिलीप ठाकूर म्हणाले, तिची एक्झिट चटका लावणारी आहे. गणेशोत्सव सुरु असताना तिचं जाणं अतिशय चटका लावणारं आहे. दिवसाची सुरुवात अशा पद्धतीच्या बातमीने व्हावी.. हे त्रासदायक आहे. काही कलाकारांच्या खासगी आयुष्यात हा संघर्ष आपल्यापर्यंत पोहोचत नाही. एकदम माहिती आल्यानंतर आपल्याला धक्का बसतो.
View this post on Instagram
इतर महत्त्वाच्या बातम्या
महत्त्वाच्या बातम्या
