UP Election Result 2022 : कोण होणार यूपीचा नवा कारभारी ? मॅजिक फिगर गाठण्यासाठी दिग्गजांची धडपड
राजकीयदृष्ट्या उत्तर प्रदेशला एक वेगळे महत्त्व आहे. उत्तर प्रदेशमध्ये विधानसभेच्या 403 जागा आहे. या सर्व जागांचे निकाल आज स्पष्ट होणार आहे.
UP Election Result 2022 : राजकीयदृष्ट्या सगळ्यात महत्त्वाचे राज्य म्हणून उत्तर प्रदेशकडे बघितले जाते. कारण देशात सगळ्यात जास्त विधानसभेच्या जागा या उत्तर प्रदेशमध्ये आहेत. तसेच लोकसभेच्या देखील सर्वात जास्त जागा यूपीमध्येच आहेत. त्यामुळे राजकीयदृष्ट्या उत्तर प्रदेशला एक वेगळे महत्त्व आहे. उत्तर प्रदेशमध्ये विधानसभेच्या 403 जागा आहे. या सर्व जागांचे निकाल आज स्पष्ट होणार आहे. यामध्ये दिग्गजांची प्रतिष्ठा पणाला लागली असून, उत्तर प्रदेशचा नवा कारभारी कोण? याचा फैसला अवघ्या काही तासांमध्येच होणार आहे.
यूपीमध्ये विधानसभेच्या 403 जागा आहेत. बहुमताचा आकडा गाठण्यासाठी 202 जागा जिंकाव्या लागणार आहेत. ज्या पक्षाला 202 जागा मिळवता आल्या तोच पक्ष यूपीचा कारभारी ठरणार आहे. यूपीमध्ये योगी आदित्यनाथ, अखिलेश यादव, चंद्रशेखर आझाद रावण यांच्यासह अनेक दिग्गजांची प्रतिष्ठा पणाला लागली असून, कोण बाजी मारणार याची उत्सुकता सर्वांनाच लागली आहे.
यूपीमध्ये या दिग्गजांची प्रतिष्ठा पणाला?
योगी आदित्यनाथ(भाजप) - गोरखपूर शहर
चंद्रशेखर आझाद रावण (भीम आर्मी) - गोरखपूर शहर
अखिलेश यादव (सपा)- करहल
एस.पी. बघेल (भाजप)- करहल
केशव प्रसाद मौर्य (भाजप- सिराथू
डॉ. पल्लवी पटेल (सपा)-सिराथू
शिवपाल यादव (सपा)- जसवंतनगर
आझम खान (सपा)- रामपूर
ओमप्रकाश राजभर (सपा+) - जहुराबाद
कृष्णा पटेल (सपा+)- प्रतापगड
स्वामी प्रसाद मौर्य (सपा)- फाझिलनगर
दारा सिंह चौहान (सपा)- घोसी
पंखुडी पाठक (काँग्रेस)- नोएडा
राजेश्वर सिंह (भाजप)- सरोजिनीनगर
आदिती सिंह (भाजप)- रायबरेली
उत्तर प्रदेशमध्ये गाजलेले मुद्दे
राम मंदिर निर्माण
शेतकरी आंदोलन
हाथरस बलात्कार प्रकरण
लखीमपूर हिंसाचार
गंगा किनाऱ्यावरचे मृतदेह
एक्झिट पोल काय सांगतोय?
दरम्यान, निवडणुका जाहीर झाल्यानंतर यूपीमध्ये बऱ्याच राजकीय घडामोडी घडल्या होत्या. अनेकांनी भाजपला रामराम करत समाजवादी पार्टीचा रस्ता झरला होता. विद्यमान योगी मंत्रीमंडळातील काही मंत्र्यांनी देखील समाजवादी पार्टीत प्रवेश केला होता. त्यामुळे उत्तर प्रदेशमध्ये भाजपला फटका बसणार असल्याचे बोलले जात आहे.
मात्र, एक्झीट पोलनुसार उत्तर प्रदेशच्या निवडणुकीमध्ये पुन्हा एकदा भाजपच बाजी मारणार असल्याचं स्पष्ट होत आहे. समाजवादीच्या अखिलेश यादव यांनी मोदी-योगींना जबरदस्त टक्कर दिली असली तरी भाजप आपली सत्ता कायम राखणार असल्याचं या पोलमधून स्पष्ट झालं आहे. एक्झिट पोलनुसार भाजप 228 ते 244 तर समाजवादी पक्ष 132 ते 148 जागा जिंकण्याची शक्यता आहे.
2017 ची स्थिती
उत्तर प्रदेशमध्ये 2017 साली झालेल्या विधानसभा निवडणुकीत भारतीय जनता पक्षाला 317 जागा, समाजवादी पक्षाला 47 जागा, बसपाला 19 जागा तर काँग्रेसला केवळ सात जागा मिळाल्या होत्या. 2017 मध्ये भाजपने मोठ्या फरकारने इतर पक्षांचा पराभव केला होता. मागील निवडणुकांच्या तुलनेत यंदा भाजपच्या जागा कमी होण्याची शक्यता वर्तवली जात आहे.
महत्त्वाच्या बातम्या:
- Election Result 2022 Date, Time : उत्तरप्रदेश, पंजाब, उत्तराखंड, मणिपूर, गोव्यासाठी मतमोजणी कधी आणि कुठे पाहणार?
- Election Result 2022 : सकाळी आठ वाजल्यापासून मतमोजणीला होणार सुरुवात, काही तासांमध्येच चित्र होणार स्पष्ट
Before You Go
Vijay Thalapathy : तामिळनाडूनत काँग्रेस का हाथ अभिनेता विजय के साथ
महत्त्वाच्या बातम्या
