Rahul Gandhi on Devendra Fadnavis : संविधान दाखवणे म्हणजे नक्सली विचार असल्याचं देवेंद्र फडणवीस म्हणतात; हा बाबासाहेब आंबेडकरांचा अपमान आहे : राहुल गांधी

Rahul Gandhi on Devendra Fadnavis : काँग्रेस नेते राहुल गांधी यांनी उपमुख्यमंत्री देवेंद्र फडणवीस यांना चोख प्रत्युत्तर दिलंय.

Photo Credit - abp majha reporter

Source : ABPLIVE AI

Rahul Gandhi on Devendra Fadnavis : " भारत जोडो असा ग्रुप करण्यात आलाय. ज्यामध्ये अनेक संघटना सामील झाल्या आहेत. ज्या संघटना डाव्या विचाराच्या आहेत. त्यांची ध्येयधोरणे पाहता ती अराजकता पसरवणारी यंत्रणा आहे. राहुल गांधी एक पुस्तक दाखवतात. संविधानाचा सन्मान सर्वांनीच केला पाहिजे, मग लाल संविधान कशासाठी? लाल संविधान किंवा लाल पुस्तक दाखवून कोणाला इशारा देत आहेत? तुम्ही या माध्यमातून अराजकता पसरवत आहात. भारत जोडोच्या माध्यमातून अराजकता पसरवली जात आहे. अर्बन नक्षलवाद यापेक्षा वेगळा नाही", असं उपमुख्यमंत्री देवेंद्र म्हणाले होते. दरम्यान, काँग्रेस नेते राहुल गांधी यांनी आज (दि.17) ट्वीटरच्या माध्यमातून देवेंद्र फडणवीस यांना प्रत्युत्तर दिलं आहे. 

महाराष्ट्र के भाजपा के पूर्व मुख्यमंत्री के अनुसार बाबासाहेब के संविधान को दिखाना और जाति जनगणना के लिए आवाज़ उठाना नक्सली विचार है! भाजपा की ये सोच संविधान निर्माता महाराष्ट्र के सपूत डॉ भीमराव आंबेडकर का अपमान है।

लोकसभा चुनाव के दौरान महाराष्ट्र की जनता ने संविधान की लड़ाई…

— Rahul Gandhi (@RahulGandhi) November 7, 2024

महाराष्ट्रातील जनता बाबासाहेबांचा अपमान सहन करणार नाहीत

राहुल गांधी म्हणाले, महाराष्ट्रातील भाजपच्या माजी मुख्यमंत्र्यांच्या मते, बाबासाहेबांचे संविधान दाखवून जात जनगणनेसाठी आवाज उठवणे ही नक्षलवादी कल्पना आहे. भाजपची ही विचारसरणी म्हणजे महाराष्ट्राच्या राज्यघटनेचे निर्माते डॉ.बाबासाहेब आंबेडकर यांचा अपमान आहे. लोकसभा निवडणुकीत महाराष्ट्रातील जनतेने संविधानासाठी लढून महाविकास आघाडीला मोठा विजय मिळवून दिला. महाराष्ट्रातील जनता भाजपकडून वारंवार होत असलेला बाबासाहेबांचा अपमान सहन करणार नाहीत. महाराष्ट्रातील लोक काँग्रेस आणि महाविकास आघाडीसोबत संविधानावरील प्रत्येक हल्ल्याला पूर्ण ताकदीने उत्तर देऊन त्याचे रक्षण करतील. भाजपचे असे सर्व लाजिरवाणे प्रयत्न अयशस्वी होतील, जात जनगणना होईल.

लाल संविधान नरेंद्र मोदी यांनी तत्कालीन राष्ट्रपती रामनाथ कोविंद यांना भेट दिलं होतं

संविधान हे पवित्र आहे. संविधान आपल्या प्रजासत्ताकाचा पायाभूत कायदा आहे. त्याला रंगामध्ये अडकवण्याचा केविलवाणा प्रयत्न देवेंद्र फडणवीस करत आहेत, हे दुर्दैवी आहे अशी टीका राज्याचे माजी मुख्यमंत्री आणि काँग्रेस नेते पृथ्वीराज चव्हाण यांनी केली. राहुल गांधींच्या हाती असलेल्या ज्या लाल संविधानाचा फडणवीसांनी उल्लेख केला तेच संविधान प्रधानमंत्री नरेंद्र मोदी यांनी तत्कालीन राष्ट्रपती रामनाथ कोविंद यांना भेट दिली होती. याबाबत फडणवीस यांचे काय मत आहे? असा सवालही त्यांनी विचारला. 

इतर महत्त्वाच्या बातम्या