Nana Patole : महाविकास आघाडीच्या सत्ता स्थापनेचा मुहूर्त ठरला! राज्यात आम्हाला बहुमत, नाना पटोलेंचा विश्वास    

Nana Patole : काँग्रेस प्रदेशाध्ययक्ष नाना पटोले यांनी मुख्यमंत्रीपदाबाबत मोठं वक्तव्य करत एक्झिट पोलचे अंदाज खोडून काढले आहे. तर महाविकास आघाडीच्या सत्तास्थापनेचा मुहूर्तही त्यांनी यावेळी सांगितलाय.

Nana Patole on Maharashtra Vidhan Sabha Election 2024

Source : ABP Majha

Maharashtra  Vidhan Sabha Constituncy 2024 : राज्याच्या (Maharashtra Assembly Election Result 2024) सत्तेची चावी कुणाच्या हाती पडणार? याचं चित्र अवघ्या काही तासांतच स्पष्ट होणार आहे. यंदाच्या विधानसभा निवडणुकीच्या मतमोजणीला शनिवारी सकाळी 8 वाजता राज्यातील सर्व मतदारसंघांमध्ये सुरुवात होईल. या पार्श्वभूमीवर महायुती (Mahayuti) आणि महाविकस आघाडीच्या गोटात हालचालींना प्रचंड वेग आले आहेत. तर सूत्रांच्या माहितीनुसार, एक्झिट पोलचे निकाल (Maharashtra Exit Poll 2024) समोर आल्यानंतर महायुतीने प्लॅन बी आखल्याची माहिती समोर आली आहे. असे असताना काँग्रेस प्रदेशाध्ययक्ष नाना पटोले (Nana Patole) यांनी मुख्यमंत्रीपदाबाबत मोठं वक्तव्य करत एक्झिट पोलचे अंदाज खोडून काढले आहे. इतकेच नव्हे तर महाविकास आघाडीच्या सत्तास्थापनेचा मुहूर्तही त्यांनी यावेळी सांगितला आहे.

महाविकास आघाडीच्या सत्ता स्थापनेचा मुहूर्त ठरला! 

शक्यतो उद्या संध्याकाळी आम्ही सत्तास्थापनेचा प्रयत्न करणार आहोत. वेळ कमी असल्यामुळे सगळ्या आमदारांनी बोलावण्यासाठी आणि लवकरात लवकर आण्यासाठी फ्लाईट आणि इतर सगळी जुळवाजुळव करावी लागणार आहे. आम्हाला बहुमत मिळेल आणि आम्ही अपक्ष उमेदवारांसह बंडोखोरांच्याही संपर्कात आहोत.असे वक्तव्य नाना पटोले यांनी केलं आहे.

मविआकडून मुख्यमंत्री कोण?

दरम्यान, राज्यात मविआकडून मुख्यमंत्री कोण? याबाबत नाना पटोले (Nana Patole) यांना विचारले असता हा निर्णय हायकमांड घेईल. असेही ते म्हणाले. मी काल देवीच्या दर्शनाला गेलो होतो. म्हणून बैठकीला आलो नाही. निवडणुक आयोग पहिल्या दिवसापासून घोळ घालतोय. त्यांनी लोकसभेला सुद्धा घोळ घातला होता. आमच्या बरोबर भगवान श्रीराम आहे, हनुमान पण आहे आणि देवी पण आहे. विरोधक काहीही पाप करू शकतात याची जाणीव आम्हाला आहे. त्यामुळे आम्ही ही सगळी तयारी केली आहे. काही ठिकाणी अधिकारी पण गडबड करू शकत, अशी शंका व्यक्त करत काँग्रेस कडून सर्व खबरदारी घेण्यात आल्याचेही नाना पटोले म्हणाले. 

शरद पवार यांच्या पक्षाची ऑनलाईन बैठक

दुसरीकडे राष्ट्रवादी काँग्रेस शरदचंद्र पवार पक्षाच्या उमेदवारांची ऑनलाइन बैठक नुकतीच पार पडली आहे. या बैठकीला पक्षाचे राष्ट्रीय अध्यक्ष शरद पवार, प्रदेशाध्यक्ष जयंत पाटील आणि राष्ट्रीय कार्याध्यक्षा सुप्रिया सुळे यांनी मार्गदर्शन केलं आहे. बैठकीत विधानसभा क्षेत्रात किती मतदान झालं? हरकती कशा प्रकारे नोंदवायला हव्यात? मतमोजणी संपताना सी-17 फॉर्मवरील माहिती काय होती आणि मतमोजणी वेळी आपल्या समोर काय माहिती मांडली जात आहे, हे तपासण्याच्या सूचना या बैठकीत देण्यात आल्या आहेत. या बैठकीत महाविकास आघाडी 157 जागांपर्यंत जाऊ शकते, असा विश्वास व्यक्त करण्यात आल्याची सूत्रांनी माहिती दिली आहे. असे असले तरी प्रत्यक्ष निकाल काय लागणार, याकडे सर्वांचेच लक्ष लागले आहे. 

महत्वाच्या बातम्या: