Eknath Shinde oath ceremony: बाळासाहेबांचा कट्टर शिवसैनिक, गद्दारीचा डाग धुवून काढत लाडका भाऊ झाले, सामान्य शाखाप्रमुख ते राजापर्यंतचा प्रवास, कोण आहेत एकनाथ शिंदे?
Eknath Shinde oath taking ceremony: बाळासाहेबांचा कट्टर शिवसैनिक महाराष्ट्राच्या राजकारणातला महत्त्वाचा मोहरा कसा झाला? एकनाथ शिंदे यांचा शपथविधी.
Eknath Shinde taking Oath as deputy chief minister: राज्याचे माजी मुख्यमंत्री एकनाथ शिंदे यांनी गुरुवारी मुंबईतील आझाद मैदानावर आयोजित करण्यात आलेल्या महायुती सरकारच्या शपथविधी सोहळ्यात (Mahayuti Govt Oath taking Ceremony) राज्याचे उपमुख्यमंत्री म्हणून शपथ ग्रहण केली. एकनाथ शिंदे (Eknath Shinde) यांनी पद आणि गोपनीयतेची शपथ घेतल्यानंतर आझाद मैदानावरील शिवसैनिकांनी एकच जल्लोष केला. शिवसेनेचा एक साधा शाखाप्रमुख ते महाराष्ट्राचा मुख्यमंत्री हा एकनाथ शिंदे यांचा प्रवास स्वप्नवत असाच म्हणावा लागेल. यंदाच्या विधानसभा निवडणुकीत भाजपने (BJP) एकहाती 132 जागा जिंकल्यामुळे एकनाथ शिंदे यांचे पुन्हा मुख्यमंत्री होण्याचे मनसुबे सफल झाले नसले तरी आताच्या घडीला एकनाथ शिंदे हे नाव महाराष्ट्राच्या राजकारणातील अविभाज्य घटक झाला आहे.
एकनाथ शिंदे यांची राजकारणातील सुरुवात शिवसेनेतील अन्य कोणत्याही बड्या नेत्याप्रमाणे साधा शिवसैनिक आणि शाखाप्रमुख म्हणूनच झाली होती. मात्र, आता तेच एकनाथ शिंदे हे आज निवडणूक आयोग, न्यायालय आणि जनमताच्या कौलानुसार खरे शिवसेना पक्षप्रमुख झाले आहे. एकनाथ शिंदे यांनी 2022 मध्ये बंडखोरी केल्यानंतर उद्धव ठाकरे (Uddhav Thackeray) यांनी त्यांचा उल्लेख गद्दार असा केला होता. त्यांना कुत्सितपणे रिक्षावाला म्हणून हिणवले होते. मात्र, त्याच एकनाथ शिंदे यांनी यंदाच्या विधानसभा निवडणुकीत ठाकरेंपेक्षा जास्त आमदार निवडून आणत खरी शिवसेना कोणाची, हे एकप्रकारे ठाकरेंना दाखवून दिले.
आज एकनाथ शिंदे हे उपमुख्यमंत्री म्हणून एक नवी जबाबदारी स्वीकारत आहेत. भाजपला मिळालेल्या प्रचंड यशामुळे आगामी काळात एकनाथ शिंदे यांच्या शिवसेनेची वाटचाल ही आव्हानात्मक असेल. उद्धव ठाकरे आणि देशातील अन्य प्रादेशिक पक्षाप्रमांणेही आपली गत होऊ नये, यासाठी एकनाथ शिंदे यांना अत्यंत सावधपणे आणि चाणाक्षपणाने पुढील राजकीय वाटचाल करावी लागणार आहे. त्यामुळे आता हे अग्निदिव्य एकनाथ शिंदे कशाप्रकारे पार करणार, हे पाहावे लागेल.
एकनाथ शिंदे यांची राजकीय कारकीर्द
- शिवसेनाप्रमुख बाळासाहेब ठाकरे आणि शिवसेनेचे ठाणे जिल्हाप्रमुख आनंद दिघे यांच्यामुळे प्रभावित होऊन 1980च्या दशकात शिवसेनेच्या माध्यमातून समाजकारणाला सुरुवात·
- 1984 साली किसननगर येथे शाखाप्रमुख म्हणून नियुक्ती. शिवसैनिक या नात्याने अनेक आंदोलनांमध्ये सहभाग. सीमा आंदोलनात तुरुंगवासही भोगला·
- 1997 साली पहिल्यांदा ठाणे महानगरपालिकेत नगरसेवक म्हणून निवडून गेले·
- सन 2001 मध्ये सभागृहनेतेपदी निवड. सलग तीन वर्षे पद सांभाळले·
- सन 2004मध्ये त्यावेळच्या ठाणे विधानसभा मतदारसंघातून पहिल्यांदा आमदार म्हणून विजयी·
- सन 2005 मध्ये शिवसेनेचे ठाणे जिल्हाप्रमुख म्हणून नियुक्ती.
- सन 2009 मध्ये मतदारसंघांची पुनर्रचना झाल्यानंतर कोपरी-पांचपाखाडी मतदारसंघातून पुन्हा आमदार·
- सन 2014 साली विजयाची हॅटट्रिक. विरोधी पक्षनेतेपदी निवड·
- डिसेंबर 2014 मध्ये कॅबिनेट मंत्रीपदाची शपथ. एमएसआरडीसीचे मंत्री म्हणून कार्यभार स्वीकारला·
- जानेवारी 2019 मध्ये नगरविकास मंत्रिपदी निवड.
- सन 2022 -2024- मुख्यमंत्री ,नगरविकास मंत्रीपद
#WATCH | Shiv Sena's Eknath Shinde takes oath as Deputy CM of Maharashtra pic.twitter.com/G33WOBOLbw
— ANI (@ANI) December 5, 2024
आणखी वाचा
महत्त्वाच्या बातम्या
