सांगली विधानसभेत काँग्रेसमध्ये बंडखोरी, जयश्री पाटील यांनी धुडकावली विधानपरिषदेची ऑफर, निवडणूक लढवण्यावर ठाम
लोकसभेनंतर आता सांगली विधानसभेतही (Sangli Vidhansabha) काँग्रेसमध्ये बंडखोरी पॅटर्न पाहायला मिळत आहे. उमेदवारी न भेटल्याने जयश्री पाटील (Jayshree Patil) बंडखोरी करत विधानसभा निवडणूक लढण्यावर ठाम आहेत.
Sangli Assembly Election : लोकसभेनंतर आता सांगली विधानसभेतही (Sangli Vidhansabha) काँग्रेसमध्ये बंडखोरी पॅटर्न पाहायला मिळणार आहे. उमेदवारी न भेटल्याने जयश्री पाटील (Jayshree Patil) बंडखोरी करत विधानसभा निवडणूक लढण्यावर ठाम आहेत. चिन्ह भेटताच त्या प्रचाराचा शुभारंभ करणार आहेत. त्यामुळं सांगली विधानसभेच काँग्रेसमधील (Congress) अंतर्गत वाद चव्हाट्यावर येण्याची शक्यता आहे.
सांगलीत लोकसभेत जसे कॉंग्रेसमधून बंड झाले तसे सांगली विधानसभेतही काँग्रेसमध्ये बंडखोरी पॅटर्न होताना दिसत आहे. कारण पक्षाककडून उमेदवारी न भेटल्याने जयश्री पाटील बंडखोरी करत विधानसभा निवडणूक लढण्यावर ठाम आहे. चिन्ह भेटताच आपण प्रचाराचा शुभारंभ करणार असल्याचे त्यांनी जाहीर केले आहे. त्यामुळं कॉंग्रेस समोरच्या अडचणीत वाढ झाली आहे.
जयश्री पाटील यांनी विधान परिषदेची ऑफर नाकारली
सांगली विधानसभेमध्ये काँग्रेसमधून बंडखोरी कायम असून जयश्री पाटील या विधानसभा निवडणूक लढविण्यावर ठाम आहेत. 5 तारखेला त्या काँग्रेस कमिटीच्या कार्यालयापासून प्रचाराचा शुभारंभ करणार आहेत. जयश्री पाटील यांनी बंडखोरी मागे घ्यावी, यासाठी काँग्रेसचे प्रभारी चेन्नीथला यांनी प्रयत्न केले होते. जयश्री पाटील यांना विधान परिषदेची देखील ऑफर देण्यात आली होती. परंतु जयश्री पाटील यांनी विधान परिषदेची ऑफर नाकारली आहे. त्या विधानसभा निवडणूक लढण्यावर ठाम आहेत. तसेच खासदार विशाल पाटील देखील माझ्यासोबत असल्याचा निर्वाळा जयश्री पाटील यांनी केला आहे. जयश्री पाटील यांनी निवडणूक आयोगाकडे पाकीट चिन्ह मागितलं आहे. लोकसभा निवडणुकीमध्ये विशाल पाटील यांनी पाकीट चिन्हावर निवडणूक लढवून विजयी झाले होते. त्यामुळे जयश्री पाटील यांनी देखील पाकीट चिन्ह मागितलं आहे. त्यामुळे सांगलीमध्ये पुन्हा सांगली पॅटर्न पाहायला मिळणार आहे.
सागंली विधानसभेत तिंरगी लढत होणार
सागंली विधानसभा मतदारसंघात आता भाजपचे सुधीर गाडगीळ, काँग्रेसचे पृथ्वीराज पाटील आणि अपक्ष उमेदवार जयश्री पाटील यांच्यात लढत होईल. त्यामुळं या तिरंगी लढतीत कोण बाजी मारणार याकडे सर्वाचं लक्ष लागलं आहे. काँग्रेसकडून सांगलीच्या जागेवरील उमेदवार पहिल्या यादीत जाहीर करण्यात आला नव्हता. भाजपमधून उमेदवारी न भेटल्याने शिवाजी उर्फ पप्पू डोंगरे यांनी नाराज होत आपला अपक्ष उमेदवार अर्ज भरला आहे. काँग्रेसमधून उमेदवारी न भेटल्याने जयश्री पाटील यांनी बंडखोरी करत अपक्ष उमेदवारी अर्ज भरत प्रचाराला सुरुवात देखील केली आहे. भाजपला त्यांचे अपक्ष उमेदवार शिवाजी डोंगरे यांची समजूत काढण्यात यश येतं का पाहावं लागेल. त्यामुळं सांगली विधानसभेची लढत रंगतदार होण्याची शक्यता आहे.
महत्त्वाच्या बातम्या
