Washim Assembly Election : वाशिमच्या तिरंगी लढतीत भाजपच्या श्याम खोडे यांचा विजय

Washim Assembly Election : गेल्या तीन निवडणुकीत भाजपकडे असलेल्या वाशिम विधानसभा मतदारसंघात यंदा महाविकास आघाडीने चांगलाच जोर लावला होता. पण भाजपच्या श्याम खोडे यांनी गड राखला.

Washim Assembly Election

Source : abp majha digital

वाशिम: लोकसभेच्या वेळी राज्याचं लक्ष लागलेल्या वाशिम जिल्ह्यातील विधानसभेच्या लढती यावेळीही रंगतदार झाल्या. वाशिम, रिसोड आणि कारंजा या तीन मतदारसंघांतील लढतीकडे यंदा सर्वांचं लक्ष लागलं होतं. त्यापैकी राखीव असलेल्या वाशिम मतदारसंघात भाजपच्या श्याम खोडे यांनी 20,064 मतांनी विजय मिळवला. त्यांनी ठाकरे गटाच्या. सिद्धार्थ देवळे आणि वंचितच्या मेघा डोंगरे यांचा पराभव केला. 

वाशिम विधानसभा मतदारसंघ

हा मतदारसंघ तसा राखीव मतदारसंघ आहे. 1990 पासून तर 2004 पर्यंत इथं भाजप उमेदवार निवडून आला होता. 2004 ते 2009 पर्यंत हा मतदारसंघ काँग्रेसच्या ताब्यात गेला. मात्र 2009 पासून ते 2024 पर्यंत भाजपने पुन्हा बाजी मारली. रस्ते, पाणी, उद्योग शिक्षण बाबतीत कोणताच विकास गेल्या 15 वर्षात होऊ शकला नसल्याचं दिसतंय. मात्र विकसनशील लोकप्रतिनिधीसह सुशिक्षित उमेवदार पाहिजे अशी मागणी पक्ष आणि मतदारसंघातून होती.
  
2024च्या वाशिम विधानसभा  निवडणुकीच चित्र थोडं वेगळं आहे. महाविकास आघाडीकडून ठाकरे गटाच्या शिवसेनेला ही जागा सुटली असून डॉ. सिद्धार्थ देवळे उमेदवार होते. तर महायुतीकडून तीन वेळचे आमदार असलेल्या लखन मलिक यांचा पत्ता कट करून श्याम खोडे हा नवीन चेहरा देण्यात आला होता. वंचित बहुजन आघाडीचे उमेदवार मेघा डोंगरे यांना उमेदवारी दिल्याने या मतदारसंघात तिरंगी लढत झाली.