NEET PG 2022 Result : नीट-पीजी परिक्षेचा निकाल जाहीर, आरोग्यमंत्र्यांची माहिती

NEET PG 2022 Result : नीट पीजी परिक्षेचा निकाल जाहीर झाला आहे. आरोग्यमंत्री मनसुख मंडाविया यांनी ट्वीट करत याबाबतची माहिती दिली आहे.

neet

NEET PG 2022 Result : नीट पीजी परिक्षेचा निकाल जाहीर झाला आहे. आरोग्यमंत्री मनसुख मंडाविया यांनी ट्वीट करत याबाबतची माहिती दिली आहे. मनसुख मंडाविया यांनी उत्तीर्ण विद्यार्थ्यांचे अभिनंदन केले. परिक्षा देणारे विद्यार्थी अधिकृत natboard.edu.in  या संकेतस्थळावर निकाल पाहू शकतात. भारतातील पदवीपूर्व वैद्यकीय अभ्यासक्रमांच्या प्रवेशासाठी NEET ही एकमेव प्रवेश परीक्षा आहे. वैद्यकीय प्रवेशासाठी इच्छुक असणारे तब्बल 15 लाखांहून अधिक विद्यार्थी दरवर्षी परीक्षेला बसतात.

NEET-PG result is out, says Union Health Minister Dr. Mansukh Mandaviya

He congratulates all the students who have qualified for NEET-PG pic.twitter.com/nkqe2wPwIG

— ANI (@ANI) June 1, 2022

यंदा फक्त दहा दिवसांत नीट पीजी परिक्षेचा निकाल जाहीर करण्यात आलाय. आरोग्य मंत्री मनसुख मंडाविया यांनी ट्वीट करत पात्र उमेदवारांना शुभेच्छा दिल्या आहेत.  ते म्हणाले की,  ''नीट पीजी परिक्षेचा निकाल जाहीर करण्यात आलाय.  जे विद्यार्थी उत्तीर्ण झाले आहेत, त्या सर्वांचं अभिनंदन! फक्त दहा दिवसांत निकाल दाहीर केल्याबद्दल @NBEMS_INDIA यांचं अभिनंदन करतो.. निकाल पाहण्यासाठी natboard.edu.in वर भेट द्या.''

NEET UG साठी नोंदणी करणाऱ्यांच्या संख्येत 'विक्रमी' वाढ
 यंदा NEET-UG 2022 साठी रेकॉर्डब्रेक नोंदणी झाली आहे. गेल्या वर्षीच्या तुलनेत यंदा विक्रमी 2.57 लाख अधिक नोंदणी झाली असून, हा आकडा 18 लाखांवर पोहोचला आहे. त्याच वेळी, 12 भारतीय भाषांमध्ये परीक्षा देणाऱ्या उमेदवारांच्या संख्येत गेल्या पाच वर्षांत 274.3% ची वाढ झाली आहे, तमिळ भाषेत परीक्षा देणाऱ्या उमेदवारांच्या संख्येत एक वर्षापूर्वीच्या तुलनेत 60 टक्क्यांनी वाढ झाली आहे. याशिवाय यावेळी महिला उमेदवारांच्या संख्येतही विक्रमी वाढ झाली आहे. यंदा या परीक्षेसाठी 10 लाखांहून अधिक महिलांनी नोंदणी केली आहे.

आणखी वाचा -