Nashik Crime: पोलिसांच्या 'नाशिक जिल्हा, कायद्याचा बालेकिल्ला' मोहिमेला खुलं आव्हान; फाटकी नोट घेतली नाही म्हणून पेट्रोल पंप कर्मचाऱ्यावर उगारली तलवार
Nashik Crime News : नाशिकच्या बोधले नगर परिसरात पुन्हा एक खळबळजनक घटना घडली आहे. फाटकी नोट घेतली नाही म्हणून पेट्रोल पंपवरील कर्मचाऱ्यावर चक्क तलवार उगारल्याच्या प्रकार घडला आहे
Nashik Crime News : नाशिक जिल्ह्यात कायद्याचा धाक उरला आहे कि नाही? असा प्रश्न विचारण्यामागील मुख्य कारण म्हणजे पोलिसांच्या 'नाशिक जिल्हा, कायद्याचा बालेकिल्ला' मोहिमेला पुन्हा एकाने खुलं आव्हान दिल्याचे बोललं जातंय. नाशिकच्या बोधले नगर परिसरात पुन्हा एक खळबळजनक घटना घडली आहे. फाटकी नोट घेतली नाही म्हणून पेट्रोल पंपवरील कर्मचाऱ्यावर चक्क तलवार उगारल्याच्या प्रकार घडला आहे. नाशिकच्या बोधले नगर परिसर मुख्य रस्त्यावर असलेल्या पेट्रोल पंपावर हि घटना घडलीय.
Nashik Crime News : संपूर्ण थरारक घटनेचा व्हिडीओ व्हायरल
दरम्यान, या संपूर्ण थरारक घटनेचा व्हिडीओ पेट्रोल पंपावरील सिसिटीव्ही कॅमेरात कैद झाला आहे. तर याच पेट्रोल पंपवर उपस्थित काहींच्या मोबाईल मध्येहि चित्रित करण्यात आला आहे. यात एक व्यक्ती तलवार काढून पेट्रोल पंप कर्मचाऱ्याला धमकी देत असल्याचे व्हिडिओत दिसत आहे. तर पंप चालकसोबतच एका नागरिकवरही तलवार उगारली असून ती त्याच्या हेल्मेटला मारल्याचे दिसत आहे.
Nashik Crime : संशयित आरोपीला अटक
घटनेची माहिती मिळताच पोलिसांनी घटनास्थळी धाव घेत घटनेची चौकशी केली असता संशयित आरोपी मदन सोमवंशी या युवकाला पोलिसांनी ताब्यात घेतलं आहे. शहरात एकीकडे गुन्हगार विरोधात पोलिसांनी नाशिक जिल्हा कायद्याचा बालेकिल्ला मोहिम उघडली असताना तालावर उगारून या घटनेने एकप्रकारे पोलीसांनाच आव्हान दिलं आहे.
Crime News : दृश्यम पाहून खून , चारित्र्याच्या संशयावरून पत्नीला भट्टीत जाळलं
पुण्यामध्ये 'दृश्यम' चित्रपटातून प्रेरणा घेऊन केलेल्या हत्येच्या घटनेने खळबळ उडाली आहे. समीर जाधव (Samir Jadhav) नावाच्या व्यक्तीने आपली पत्नी अंजली जाधव (Anjali Jadhav) हिची निर्घृण हत्या केली. पोलिसांनी दिलेल्या माहितीनुसार, 'आरोपीने गुन्हा करण्यापूर्वी दृश्यम चित्रपट तीन ते चार वेळा पाहिला होता'. चारित्र्यावर संशय घेऊन समीरने पत्नीच्या हत्येचा कट रचला. २६ ऑक्टोबर रोजी फिरायला नेण्याच्या बहाण्याने त्याने पत्नीला शिंदेवाडीजवळील भाड्याने घेतलेल्या गोडाऊनमध्ये नेले. तिथे भेळ खात असताना तिचा गळा दाबून खून केला आणि पुरावा नष्ट करण्यासाठी मृतदेह आधीच तयार केलेल्या लोखंडी भट्टीत जाळून टाकला. त्यानंतर दोन दिवसांनी, २८ ऑक्टोबर रोजी, त्याने स्वतः वारजे पोलीस ठाण्यात पत्नी बेपत्ता झाल्याची तक्रार दाखल केली. मात्र, तपासादरम्यान त्याच्या वागण्यात विसंगती आढळल्याने पोलिसांचा संशय बळावला. अखेर कसून चौकशी केली असता, समीरने गुन्ह्याची कबुली दिली.
आणखी वाचा
महत्त्वाच्या बातम्या
