जन्मदात्या पित्याला जिवंत पेटवलं; निर्दयी कृत्यानंतर मद्यधुंद नराधम मुलगा फरार, नेमकं घडलं काय?

अकोला (Akola Crime) जिल्ह्यातील बाळापूरमध्ये वडील आणि मुलाच्या नात्याला काळीमा फासणारी घटना घडली आहे.

Akola Crime

Source : ABP Majha

Akola Crime News: अकोला : तळहाताच्या फोडाप्रमाणे जपून लहानाचं मोठं केलेल्या बापालाच मुलानं जीवंत जाळण्याचं कृत्य केलं आहे. एवढंच नाहीतर नराधम मुलानं अंथरुणाला खिळलेल्या बापाला पेटवून दिलं आणि तिथून थेट पळ काढला. याप्रकरणी बाळापूर पोलिसांनी गुन्हा दाखल केला असून आरोपी मुलालाही अटक करण्यात आली आहे. दरम्यान, संपूर्ण अकोला (Akola News) जिल्हा या घटनेनं हादरला आहे. 

अकोला (Akola Crime) जिल्ह्यातील बाळापूरमध्ये वडील आणि मुलाच्या नात्याला काळीमा फासणारी घटना घडली आहे. आपल्या आजारी वडिलांना दारूत व्यसनाधिन झालेल्या मुलानं जीवंत जाळल्याचा धक्कादायक प्रकार समोर आला आहे. अजाबराव इंगळे असं मृत वडिलांचं नाव आहे. तर आकाश इंगळे असं तीस वर्षीय आरोपी मुलाचं नाव आहे. याप्रकरणी मुलानं वडिलांनी जीवंत पेटवलं आणि तिथून पळ काढला. पोलिसांनी मुलाचा माग घेत अखेर त्याला बेड्या ठोकल्या आहेत.

...अन् वडिलांची खाटंच त्यानं पेटवली  

बाळापूर तालुक्यातील धनेगाव येथील इंगळे कुटुंब मजुरीसाठी शहरातील लोटणापूर इथे वास्तव्यास होतं. तीन तरूण मुलं आणि आजारी वडील अजाबराव इंगळे असं संपूर्ण कुटुंब लोटणापूर इथे वास्तव्यास होतं. अजाबराव इंगळे गेल्या अनेक दिवसांपासून अंथरुणाला खिळून आहेत. 14 जुलैला दुपारी अजाबराव यांचा मुलगा आकाश इंगळे मद्यधुंद अवस्थेत घरी पोहोचला. यावेळी आकाश दारूच्या नशेत होता. त्यावेळी आकाशचा अर्धांगवायूनं अंथरुणाला खिळलेल्या वडिलांसोबत वाद झाला. यावेळी आकाशनं रागाच्या भरात वडील ज्या खाटेवर झोपलेले त्या खाटेलाच आग लावली आणि तिथून पळ काढला. बघता बघता आगीनं पेट घेतला. आगीत अजाबराव इंगळे गंभीररित्या होरपळले गेले. ही घटना घडली, त्यावेळी घरात कोणीच नव्हतं. 

घडलेला प्रकार समजताच इतर कुटुंबीयांनी घराकडे धाव घेतली. आगीत होरपळून निघालेल्या अजाबरावांना उपचारासाठी जिल्हा रुग्णालयात दाखल करण्यात आलं. त्यांची प्रकृती फारच गंभीर होती. अखेर बुधवारी त्यांनी अखेरचा श्वास घेतला. 

दरम्यान, आधी अकोल्यातील सिटी कोतवाली पोलिसांनी याप्रकरणी आकस्मिक मृत्यूची नोंद केली होती. मात्र, प्रकरण बाळापूर पोलिसांकडे वर्ग झाल्यानंतर हा धक्कादायक प्रकार समोर आला. आरोपीचा लहान भाऊ गौरव याच्या तक्रारीवरून आरोपी आकाशवर पोलिसांनी खुनाचा गुन्हा दाखल केला. त्यानंतर बाळापूर पोलिसांनी आकाशचा शोध घेऊन त्याला अटक केली आहे. 

महत्त्वाच्या इतर बातम्या :