Year Ender 2022 Share Market: शेअर बाजारातील या सेक्टरने गुंतवणूकदारांना केले मालामाल, तर 'या' सेक्टरने रडवलं!
Year Ender 2022 Share Market: शेअर बाजारातील निफ्टी निर्देशांकातील 12 सेक्टरने चांगला परतावा दिला. तर, काहींनी गुंतवणूकदारांना रडवले.
Year Ender 2022 Share Market: भारतीय शेअर बाजारासाठी 2022 हे वर्ष चांगले गेले. सेन्सेक्स आणि निफ्टीने या वर्षात आतापर्यंतचा उच्चांक गाठला. या वर्षात शेअर बाजारातील सेक्टोरियल इंडेक्समध्येही चांगली तेजी दिसून आली. बँकिंग सेक्टरनेदेखील आतापर्यंतचा उच्चांक गाठला. त्याशिवाय, काही सेक्टरमध्ये 15 ते 20 टक्क्यांपर्यंतची तेजी दिसून आली.
निफ्टीतील 12 सेक्टरने या सरत्या वर्षात कशी कामगिरी केली, यावर एक नजर टाकूयात. काही सेक्टरने गुंतवणूकदारांना चांगला परतावा दिला. तर, काही सेक्टरने गुंतवणूकदारांचे नुकसान केले.
निफ्टी ऑटो (Nifty Auto)
निफ्टी ऑटो सेक्टर सध्या 12424.40 अंकांच्या आसपास ट्रेड करत आहे. एका वर्षापूर्वी हा सेक्टर 10,936.9 अंकांच्या आसपास होता. एका वर्षात 15.41 टक्क्यांची वाढ दिसून आली.
निफ्टी बँक (Nifty Bank)
बँक निफ्टी आज 42,401.80 अंकांच्या पातळीवर व्यवहार करत आहे. एक वर्षापूर्वी 35,481.7 अंकांवर व्यवहार करत होता. एका वर्षात 19.54 टक्क्यांची तेजी दिसून येत आहे.
निफ्टी एनर्जी (Nifty Energy)
निफ्टी एनर्जी सेक्टर 25395.20 अंकांवर व्यवहार करत आहे. एक वर्षापूर्वी 26 डिसेंबर 2021 रोजी हा सेक्टर 22636.95 अंकावर व्यवहार करत होता. एका वर्षात 10.14 टक्क्यांनी हा सेक्टर वधारला.
Nifty Financial Services
निफ्टी फायनान्शियल सर्व्हिसेस सेक्टरमध्ये 18,844.70 अंकांवर व्यवहार सुरू आहे. एक वर्षापूर्वी 26 डिसेंबर 2021 रोजी हे सेक्टर 17330.85 अंकांच्या पातळीवर होता. मागील एका वर्षात सुमारे 9.66 टक्क्यांची वाढ दिसून आली.
Nifty FMCG
निफ्टी एमसीजी सेक्टर आज 44,719.55 अंकांच्या आसपास व्यवहार करताना दिसत आहे. एक वर्षांपूर्वी 26 डिसेंबर 2021 रोजी हा सेक्टर 37,579.55 अंकांवर व्यवहार करत होता. एका वर्षात या सेक्टरमध्ये 20.05 टक्क्यांची तेजी दिसून येत आहे.
Nifty IT
निफ्टी आयटी सेक्टर 28,472.75 अंकांच्या पातळीवर आज व्यवहार करत आहे. एक वर्षांपूर्वी 26 डिसेंबर 2021 रोजी 38701.05 अंकांवर व्यवहार करत होता. मागील एका वर्षात या सेक्टरमध्ये 25.16 टक्क्यांची घसरण दिसून आली आहे.
Nifty Media
मीडिया सेक्टर सध्या 1957.70 च्या पातळीवर दिसून येत आहे. एक वर्षापूर्वी हा सेक्टर 2218.8 अंकांच्या पातळीवर होता. एका वर्षात या सेक्टरमध्ये 15.04 टक्क्यांची घसरण दिसून आली.
Nifty Metal
निफ्टी मेटल 6362 अंकांच्या आसपास व्यवहार करत आहे. एक वर्षापूर्वी 26 डिसेंबर रोजी हे सेक्टर 5521.75 अंकांच्या आसपास व्यवहार करत होता. एका वर्षात 13.39 टक्क्यांची तेजी दिसून आली आहे.
Nifty Pharma
निफ्टी फार्मा सेक्टर 12686.50 अंकांवर व्यवहार करत आहे. एक वर्षापूर्वी 26 डिसेंबर 2021 रोजी 14223 अंकांवर व्यवहार करत होता. मागील एका वर्षात 5.24 टक्क्यांची घसरण दिसून येत आहे.
Nifty Reality
रियल्टी सेक्टर सध्या 418.50 अंकांवर व्यवहार करत आहे. एक वर्षापूर्वी हे सेक्टर 511.66 अंकांच्या पातळीवर दिसून येत होता. मागील एक वर्षात या सेक्टरमध्ये 14.13 टक्क्यांची घसरण दिसून येत आहे.
महत्त्वाच्या बातम्या
