विदेशी गुंतवणूकदारांचा भारतीय बाजाराबद्दल भ्रमनिरास का झाला, ऑक्टोबरमध्ये आतापर्यंत 6,000 कोटी रुपये काढले
Share Market : विदेशी गुंतवणुकदारांनी या महिन्यात आतापर्यंत भारतीय शेअर बाजारातून सुमारे 6,000 कोटी रुपये काढले आहेत. अमेरिकन डॉलरच्या तुलनेत रुपयाच्या घसरणीमुळे ही रक्कम काढल्याचं सांगितलं जात आहे.
Share Market : विदेशी गुंतवणुकदारांनी या महिन्यात आतापर्यंत भारतीय शेअर बाजारातून सुमारे 6,000 कोटी रुपये काढले आहेत. अमेरिकन डॉलरच्या तुलनेत रुपयाच्या घसरणीमुळे ही रक्कम काढल्याचं सांगितलं जात आहे. यासह परदेशी संस्थागत गुंतवणूकदारांनी (FPIs) 2022 च्या कॅलेंडर वर्षात आतापर्यंत एकूण 1.75 लाख कोटी रुपये काढले आहेत.
आगामी काळातही एफपीआय क्रियाकलाप अस्थिरतेने भरलेले दिसत आहेत. सतत भू-राजकीय जोखीम, उच्च चलनवाढ पातळी आणि रोखे उत्पन्नात वाढ या अपेक्षेवर विदेशी गुंतवणूकदार बाजारातून बाहेर पडू शकतात असं जाणकारांचं म्हणणं आहे. एफपीआय नजीकच्या काळात जास्त शेअर्स मोठ्या प्रमाणात विकण्याची शक्यता नाही परंतु डॉलर कमकुवत झाल्यानंतरच ते खरेदीदार स्थितीत परत येतील. त्यामुळे या गुंतवणूकदारांची भूमिका अमेरिकेच्या चलनवाढीच्या ट्रेंडवर आणि फेडरल रिझर्व्हच्या आर्थिक दृष्टिकोनावर अवलंबून असेल असं तज्ज्ञांचं मत आहे.
देशांतर्गत गुंतवणूकदारांचा भक्कम पाठिंबा
डिपॉझिटरी डेटाच्या माहितीनुसार विदेशी गुंतवणूकदारांनी ऑक्टोबरमध्ये भारतीय बाजारातून आतापर्यंत 5,992 कोटी रुपये काढले आहेत. अर्थात, गेल्या काही दिवसांत त्यांच्या पैसे काढण्याच्या प्रमाणात काहीशी घट झाली आहे. बाजार विश्लेषकांचे मत आहे की, एफपीआयची विक्री होऊनही देशांतर्गत संस्थात्मक गुंतवणूकदार आणि किरकोळ गुंतवणूकदार खरेदीदार राहिले आहेत, ज्यामुळे शेअर बाजाराला बळ मिळाले. जर FPIs ला पूर्वी विकलेले शेअर्स आजच्या काळात विकत घ्यायचे असतील तर त्यांना वाढलेली किंमत मोजावी लागेल. ही जाणीव नकारात्मक वातावरणात विदेशी गुंतवणूकदार विक्री रोखू शकतात
कोणत्या स्टॉकची सर्वाधिक विक्री
सप्टेंबरमध्ये परदेशी गुंतवणूकदारांनी भारतीय बाजारातून सुमारे 7,600 कोटी रुपये काढले होते. डॉलरच्या तुलनेत रुपयाची घसरण आणि यूएस फेडरल रिझर्व्हच्या ठाम भूमिकेमुळे एफपीआयमध्ये विक्री झाली. भारताशी संबंधित कोणत्याही जोखमीपेक्षा डॉलरचे मजबूत होणे हे विदेशी गुंतवणूकदारांच्या माघारीचे मुख्य कारण आहे. गेल्या आठवड्यात डॉलरच्या तुलनेत रुपया 83 रुपयांच्या खाली पोहोचला होता, जो आतापर्यंतचा नीचांक आहे. एफपीआयनी विशेषतः वित्त, FMCG आणि IT क्षेत्रात विक्री केली आहे. इक्विटी मार्केट व्यतिरिक्त विदेशी गुंतवणूकदारांनीही ऑक्टोबरमध्ये कर्ज बाजारातून 1,950 कोटी रुपये काढले आहेत.
10 पैकी 8 कंपन्यांचे मार्केट कॅप वाढले
सेन्सेक्समधील टॉप 10 कंपन्यांपैकी 8 कंपन्यांच्या मार्केट कॅपमध्ये 2,03,335.28 कोटी रुपयांची वाढ झाली आहे. यामध्ये सर्वाधिक फायदा रिलायन्स इंडस्ट्रीजला झाला आहे. रिलायन्सचे मार्केट कॅप 68,296.41 कोटी रुपयांनी वाढून 16,72,365.60 कोटी रुपये झाले आहे. त्यानंतर SBI (रु. 30,120.57 कोटी) आणि ICICI बॅंक (रु. 25,946.89 कोटी) आहे.
महत्त्वाच्या बातम्या
