Share Market Updates: मार्केटमधील तेजीला ब्रेक, सेन्सेक्स 51 हजारांच्या खाली बंद, निफ्टीमध्येही मोठी घसरण

दिवसभरातील व्यापारात सेन्सेक्सने 51256.55 च्या उच्चांकाला स्पर्श केला, तर 50539.92 च्या नीचांकी पातळी गाठली. त्याशिवाय निफ्टीची दिवसाची उच्च पातळी 15202.35 होती, तर निफ्टीची नीचांकी पातळी 14980.20 राहिली.

नवी दिल्ली : गेल्या तीन दिवसांपासून तेजीत असलेल्या भारतीय शेअर बाजाराला आज ब्रेक लागला. गुरुवारी भारतीय शेअर बाजारात घसरण पहायला मिळाली. जवळजवळ सर्व इंडेक्स लाल चिन्हात व्यापार करताना दिसले. व्यापार सुरू असताना सेन्सेक्समध्ये 900 अंकांपर्यंत घसरण दिसून आली. त्याचबरोबर निफ्टीमध्येही 265 पेक्षा जास्त अंकांची घसरण दिसून आली.

दिवसाच्या व्यापारात निफ्टीने 15000 ची पातळी तोडली तर सेन्सेक्स 51 हजारांच्या पातळी खालीच व्यापार करताना दिसला. गुरुवारी सेन्सेक्स 598.57 अंकांनी (1.16%) घसरुन 50846.08 वर बंद झाला. त्याच वेळी, निफ्टी 164.85 (1.08%) खाली घसरून 15080.75 च्या पातळीवर बंद झाला.

दिवसाच्या व्यापारात सेन्सेक्सने 51256.55 च्या उच्चांकाला स्पर्श केला, तर 50539.92 ची नीचांकी पातळी गाठली. त्याशिवाय निफ्टीची दिवसाची उच्च पातळी 15202.35 होती, तर निफ्टीने 14980.20 ची नीचांकी पातळी गाठली. त्याचबरोबर निफ्टी मिडकॅप 100 आणि निफ्टी स्मॉलकॅप 100 च्या वाढीसह आज बंद झाले. या व्यतिरिक्त, जवळजवळ सर्व निर्देशांक ग्रीन मार्कमध्ये बंद झाले.

अल्ट्राटेक सिमेंट, श्री सिमेंट, अदानी पोर्ट आणि ग्रासिम या कंपन्यांनी अव्वल फायदा मिळविला. याशिवाय जेएसडब्ल्यू स्टील, हिंडाल्को, एचडीएफसी आणि टाटा मोटर्सचे शेअर्स पहिल्या तोट्यात राहिले.